عنوان الموضوع : حلويات بالنستلي (حليب مركز) جربوها وردوا لي خبر - حلويات
كاتب الموضوع : mira
مقدم من طرف منتديات ايمازيغن

حلويات بالنستلي (حليب مركز) جربوها وردوا لي خبر



إضغط هنا لرؤية الصورة بحجمها الطبيعي.



لنبدأ على بركة الله

المقادير:

هذه المقادير تعمل 110 حبة و انت تقدري تعملي النصف أو الضعف حسب الرغبة وحسب المناسبة


العجينة: هي عجينة الصابلي السكر فيها قليل لمعادلة المذاق الحلو مع الحشو لأنو حلو كثير

- 500غ مرغرين طرية (زبدة)
- 4 ملاعق كبار معمرين سكر رطب
- 2 حبات بيض
- ملعقة صغيرة فاني بودرة (تحبي تضيفي زاست الليمون إختياري)
- 2 ملعقة صغيرة خميرة الحلوى
- فرينة للم العجينة


الحشو:

- 2 علب نيستلي (حليب مركز)
- كمية لوز محمص و مرحي رقيق.
- علبة pate à glacé (عبارة عن شوكولا خاصة بالقلاصاج)

للتزيين: (البيستاش المخادع)


- 200غ كاوكاو محمص و مرحي رقيق.
- معطر الفستق (البيستاش)
- ملون أخضر فستقي (vert pistache) من الأفضل سائل
- قطرات ماء

طريقة التحضير:

العجينة : باستعمال راحة يدك (كفك) أفرك الزبدة مع السكر جيدا حتى تعطيك كريمة ضفي البيض واحدة واحدة مع المحر دائما ثم ضفي الفاني ثم الخميرة مع الفرينة حتى تعطيك عجينة طرية.



إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.




خذي كويرة قدر حبة الجوز و قرصيها في يدك و أدخليها المول سواء مربع أو دائري الشكل حسب رغبتك وسوي الجوانب وقعر المول بالعجينة أكملي الكمية كاااااااملة ثم ثقبي الوسط لي مول بالشوكة كي ما تنتفخش العجينة وتفسدلك الشكل



إضغط هنا لرؤية الصورة بحجمها الطبيعي.


ثم ضعيها في فرن مسخن مسبقا على درجة 180° في الوسط حتى تصبح وردية اللون على حواف لي مول

دعيها تبرد ثم أنزعيها من المول برفق حتى لاتتكسر


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.



الحشو:

ضعي النيستلي (الحليب المركز) في لا كوكوت وضفي الماء بحيث يوصل لمنتصف العلبة بتاع النيستلي
أغلقي عليه و كي تبدا تصفر الكوكوت أحسبي ساعة ثم أطفئي وانزعي العلب منها و ضعيها تحت الحنفية كي تبرد شوية.

أتركيها مدة ساعة حتى تبرد العلب ثم أفتحيها وضعيها في صحن عميق راح تكون هناك تكتلات بواسطة الملعقة أخلطي جيدا حتى تختفي التكتلات

ثم ضفي اللوز المطحون كميته حسب رغبتك وحركي جيدا


إضغط هنا لرؤية الصورة بحجمها الطبيعي.


ثم احشي القاطو نتاعك حوالي ملعقة صغير في لي مول المربعة و ثلاثة أرباع ملعقة صغيرة في لي مول الدائرية الشكل

تكوني ذوبتي pate à glacé على حمام مائي
حذاري ما تضيفيلها أي شيء من السوائل راح تجمد معاك

ضفيلها فقط ملعقة صغيرة نيسكافي بودرة حكيها بين يديك باش تولي غبرة وضفيها للشوكولا (pate à glacé) وهي ذايبة و حركي بخفة

التزيين: (البيستاش المخادع)



إضغط هنا لرؤية الصورة بحجمها الطبيعي.


الكوكاو المرحي ضيفي له ملعقة صغيرة معطر وقطرات ماء والملون إذا كان سائل ضفيه مباشرة وإذا كان بودرة ضفيلو شوية ماء

ثم حكي الكوكاو بين يديك كي يتلون بالملون ويتعطر

ثم أفرشيه في بلاطو وأدخليه للفرن ساخن مدة 5 دقائق وعند ما تخرجيه خليه يبرد شوية وحكيه مرة أخرى بين يديك كي نحل كل التكتلات

راح يخرجلك هكذا


إضغط هنا لرؤية الصورة بحجمها الطبيعي.


ثم غطي النيسلي اللي درتيه في القاطو بالشوكولا اللي ذوبتيها وهي سخونة لأنو كون تخليها شوي راح تنشف وتجمد مباشرة حطي البيستاش المخادع بتاع التزيين بالطريقة اللي تعجبك

إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.



ثم زينتها في الأخير باللماع الفضي ووضعتها في كيسات البرودي ثم في كيسات فضية مزخرفة.
و هذي هي الصور النهائية


إضغط هنا لرؤية الصورة بحجمها الطبيعي.




إضغط هنا لرؤية الصورة بحجمها الطبيعي.




إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.



بالصحة والهنا



قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©