عنوان الموضوع : الزلابيه الليبيي او المشبك او الفنكوش زي ما سميتها ^^ - حلويات
كاتب الموضوع : chahinez
مقدم من طرف منتديات ايمازيغن

ازيكم يا ثيمازيغيني
اول موضوع ليا في المنتدي
وان شاء الله يعجبكم
الحلوي دي عجبتنا جدا جدا لانها سهله و سريعه ومقرمشه جدا
هي اصلا من ليبيا واسمها هناك "الزلابيه الليبيي"
انا واختي خلينا اسمها الفنكوش لانها بتنفش وبتبقي مقرمشه
نشوف الوصفه
ده شكلها النهائي

المقادير :

1 كوب دقيق
2 ملعقه نشا
1 ملعقه كبيره خميرة فوريه
1 ملعقه كبيره زبادي
1 ملعقه زيت
نصف لتر ماء

مقادير الشربات :

3 كوب سكر
2 كوب ماء
نصف عصير ليمونه

الطريقه :
في وعاء عميق
نضع الدقيق + النشا + الخميرة +الزبادي+ الزيت
نخلطهم جيدا
ثم نضع الماء قليلا قليلا مع التقليب المستمر حتي تذوب المكونات الجافه وتصبح شبه سائله يتم تزويد الدقيق اذا كانت سائله بدرجه كبيرة
" لما ترفعيها بالمعلقه وتقلبيها بتنقط لانها تقيله مش بتنزل مرة واحده " ده القوام المظبوط
ثم نقوم بتغطيتها و وضعها في مكان دافئ حتي تخمر لمده ساعه
سنجد بها فقاقيع
نحضر الشربات بوضع المكونات علي وعاء علي النار ونتركها تغلي .. الشربات يجب ان يكون خفيف
و نحضر قمع نضع به العجينه ونشكلها علي شكل دوائر تشبه المشبك وتقلي في مقلاه بها زيت غزير ساخن
حتي تصبح ذهبيه وتقلب علي الوجه الاخر حتي تاخذ اللون الذهبي
ثم ترفع من الزيت يمكن تصفيتها علي منشفه ثم وضعها في الشربات ورفعها بسرعه لانها تشرب الشربات بسرعه
و تقدم وبالهنا والشفا
ميزتها انها تبقي لايام بنفس قرمشتها

ودي طريقتها بالفيديو

http://youtu.be/h-khve9WSjE








©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©