عنوان الموضوع : من مطبخى وبالصور بسبوسه بس ايه صح - حلويات
كاتب الموضوع : hamida
مقدم من طرف منتديات ايمازيغن

السلام عليكم
ازيكم يا ثيمازيغين


البسبوسه رغم انها سهله اوى ومن اسهل الحلويات الا ان فى ناس كتير بتفشل معاها
اهم حاجه فى عمايل البسبوسه حجتين
اول حاجه تعملى الشربات او السيرب بتعها متعقدهوش يعنى ايه؟ يعنى غلوتين وبس واطفى


طب مقادير الشربات المظبوط ايه 2 كوب سكر وعليهم 2 ونص كوب ميه ونص ليمونه وممكن نضيف فانليا ومعلقة سمنه


طب تانى شرط انك تكونى مولعه الفرن وسخن جدااااا قبل ما تحطى الصنيه بشويه زى الكيك
عشان لو حطتيها والفرن بارد بتنشف قبل ما تستوى وكمان حرف الصنيه ميكونش عالى تكون الصنيه الى هى حروفها قصيره


اخر حاجه منقعدش نبس ونعجن فيها كتير هى تحطى المكونات وتقلبى تقلبتين كده لحد ما تلاقى المكونات تجانست مع بعض
كده بامر الله هتطلع معاكى زى الفل


نيجى للمقادير
انا جبت المرادى الكيس الى جاهز
وحطيت عليه معلقة بكنج بودر وقلبته
وبعدين حطيط نص علبة زبادى وربع كوب لبن وربع كوب سمنه بلدى
وبس كده قلبتها ودهنت الصنيه سمنه وحطتها وفردتها وعلى الفرن
واول لما تخرج يكون الشربات بيغلى وهى سخنه واحط عليها الكميه كلها

يلا نشوف الصور بقا














يارب تعجبكم



قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©