عنوان الموضوع : اخيراً عملت كيك ياجدعان اتفضلوا معاناا من مطبخى وبالصور - حلويات
كاتب الموضوع : inzou07
مقدم من طرف منتديات ايمازيغن

السلام عليكم ورحمة الله وبركاته

أخيراً وبعد غيابى عن عمل الحلويات فى المطبخ .. استفتحت النهاردة وعملت كيك اخيرااااااااااااااااااا
قلت اعزمكم عليها ماانتم اخواتى برضه

ابطل رغى وندخل فى المفيد ..

المقادير بنت الحلال كالآتى ::

4 بيضات
فانيليا
كوباية سكر
كوبايتين دقيق
ربع كوباية لبن
كوباية زبادى
بيكنج بودر


الطريقة

ضربت البيض والفانيليا ضرباً مبرحاً فى الخلاط الى ان يستغيثوا
(( عايزة تعمليه بمضرب البيض براحتك خالص مالص ))



وبعدين ضفت السكر وضربت



الزبادى وضربت



شكلهم وهما بيستغيثوا



كوباية دقيق وضربت



الكوبايه التانيه والبودر



طبيعى المكونات هتمسك معاكى وتحسى ان الخلاط بيموت تبدأى تحطى اللبن شوية بشوية



جبت الصينيه بعد ما خدوا علقة محترمه ف الخلاط
والمكونات اتمزجت مع بعضها ودهنتها زيت وصبيت نصهم



والباقى حطيت عليه شوية كاكاو وقلبتهم سوا وصبيت الباقى



سخنت الفرن كويس وبعدين وطيته انتى ادرى بفرنك بقى فى تسوية الحاجه ,,
وادى شكلها لما دخلت الفرن واتدفت بدالنا من السقعه دى ترم ترم



طبعاً مش هقولكوا اد ايه طرية وهشه عشان كل واحد بيحب ينفخ فى حاجاته

جربيها انتى ويارب تدعيلى متدعيش عليا

يلا دوشتكوا ووجعت دماغكوا صباح الخير بقى

سلامااات ياحلوااات



قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©