عنوان الموضوع : طريقة عمل كحك العيد 2014 ... كحك العيد الناعم من ايدى انا وماما حبيبتى - حلويات
كاتب الموضوع : hamida
مقدم من طرف منتديات ايمازيغن
السلام عليكم ورحمة الله وبركاتهمسائكم وصباحكم فل يا ستوتات يا قمراتاحلى كحك للعيد عمايل إيديا انا وماما حبيبتىكل سنه وانتن طيبين وبألف صحه وسعاده
المقادير :2 كيلو دقيق1 كيلو إلا 2 ملعقة كبيره سمنه( انا استخدمت سمنه بقرى على سمنه فلاحى )رشة ملحرشة سكراى روايح تستخدميها( انا أستخدمت ريحة وردزجاجة صغيره مركزه )قطعة خميرة بحجم علبة كبريتربع كوباية مايه او لبن ندوب فيها الخميره1 ملعقة بيكنج بودر1\4 كيلو سمسم
الطريقه :
. نقدح السمنه كويس اوووووووووووى على النار
. ننخل الدقيق مع البيكنج بودر. نرش السمسم على الدقيق. ندوب الخميره فى شوية مايه او لبن ومعاها السكر ورشة الملح
. ننزل بالسمنه على الدقيق براحه خالص
ونفضل نبسس فى المقدار كويس على ما الدقيق يختفى مع السمنه ويتقلبوا كويس
ونبسس على قد ما نقدر علشان ده عامل من عوامل نجاح الكحك
. ونقلب معاهم الروايح
. لما العجين يبرد خاااااااااالص نقلب معاه مقدار الخميره. نشوف العجينه فى ايدينا لو لاقيناه ناعمه خالص ومفروله نزود مايه لحد ما العجينه تبقه طريه فى ايدينا ونقدر نشكلها
. ده شكل العجينه
. نشكل بقه العجينه ونحشى وننقش او نكبس براحتنا خالص
. نسيب الكحك يخمر براحته حوالى ساعتين او تلاته
دى صوانى كبيره من الفرن اللى جمبنا
اجرناها منه ودخلناها الفرن بتاعنا بتاع البوتجاز
طريقة التسويه
الفرن نسخنه على حرارة 160 الى 170 عشر دقايق
ونولعه من تحت بسسسسسسس
والكحك بيتسوى على حرارة هادية بامر الله
لانه لو الحرارة عالية عليه هيتحرق من بره ومن جوه يفضل عجين
والطريقة اننا نولع النار تحت ونحط صنيتين تحت وصنيتين فووووق عالرف
ونقفل عليهم الفرن لمدة ربع ساعة عشان يستوي على خيرة الله
.. نسوى الكحك
شوفوا التسويه
..والكحك سخن نرش عليه السكر علشان يشربه ويمسك فيه
دى كمية الكحك كلها 2 كيلو
شوية ملاحظات :
انا استخدمت سمنه نوعها كويس وعليها سمنه فلاحى فمقدار السمنه قللته عن اكيلو
لكن مثلا انتى لو هتستخدمى سمنه روابى مثلا او جنه
هتحطى كيلو سمنه كامل على 2 كيلو دقيق
علشان مقدار السمنه عامة بيكون نص مقدار الدقيق
ده الكحك المظبوط
. السمسم فى منه انواع
فى نوع تلاقيه ابيض :
ده هنستخدمه ازاى
هنعمل حفره فى نص الدقيق وننزل بالسمنه المقدوحه عليه علشان يحمر
وفى نوع تانى احمر :
ده اللى انا استخدمته
قلبته مع القيق ونزلت عليهم بالسمنه المقدوحه
. لو حسيتى ان العجينه ناشفه معاكى زودى ليها لبن او زبادى
. لو لاقيتيها ناعمه خالص زودى مايه علشان يمسك نفسه شويه
. الكحك اللى انا عملاه ده زى كحك العروسه بيبقه ناعم كده وبيدوب فى البوق وزى ما اتفقنا لو عاوزينه خشن شويه زود مايه
. كمية ال 2 كيلو كحك عملت معايا فى التسويه 2 صاج كبير من بتوع الافران
وفى التخزين عملت معايا جردل 5 كيلو
حطيت كيس كبير جوه الجردل وخزنت الكحك
وربطت الكيس
وغطيت الجردل بالغطا
قد تكوني مهتمة بالمواضيع التالية ايضاً:
المصدر: منتديات ايمازيغن
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©