عنوان الموضوع : مشروبات ساخنه جديده ومختلفه - مشروبات و عصائر
كاتب الموضوع : kouka
مقدم من طرف منتديات ايمازيغن

اخلطي عصير التفاح والسكر البني



تفاح بالقرفة
المقادير:
8 أكواب عصير تفاح
¼ كوب سكر بني
2 عود قرفة
ملعقة صغيرة قرنفل
بَشْر برتقالة

الطريقة:
1- اخلطي عصير التفاح والسكر البني في حلة صغيرة على النار، وقلّبيهم لحد ما السكر يدوب.
2- حطّي القرفة والقرنفل وبَشْر البرتقال في قطعة شاش واربطيها، وبعدين حطّيها مع الخليط، وسيبيه على نار هادية لمدة 15 دقيقة، وبعد كده ارفعي قطعة الشاش، وصبّيه في الأكواب، وقدّميه.. بالهنا والشفا.

************************




زيني الموغات بالمكسرات



موغات
المقادير:
¼ كيلو حلبة مطحونة
¼ كوب سمسم
¼ كوب نشا
½ كيلو لبن
½ كوب مكسّرات محمصة
ملعقة زبدة
سكر

الطريقة:
1- اخلطي الحلبة والسمسم والنشا، وقلّبيها مع بعض، بعدين حطي الخليط ده مع الزبدة على نار هادية، وقلّبيها لحد ما يبقى لونها دهبي.

2- حطّي عليها اللبن تدريجيا مع التقليب المستمر علشان مايبقاش فيها كتل وسيبيها تغلي، وقلّبيها من وقت للتاني، وبعدين صبّيها في الأكواب وزيّنيها بالمكسرات، وقدّميها.. بالهنا والشفا.

************************




زيني السحلب بالمكسرات والقرفة



سحلب باللبن
السحلب ممكن تعملي مكوّناته بنفسك، أو تشتري بودرة سحلب من أي سوبر ماركت أو من عند العطار، والطريقة واحدة في الحالتين.
المقادير:
كيلو لبن
½ كوب سمسم محمّص
كوب سكر بودرة
4 ملاعق كبيرة نشا
ملعقة صغيرة قرفة
2 ملعقة صغيرة فانيليا
كوب رز مطحون ناعم
مكسرات محمّصة

للتزيين:
قرفة وجوزهند

الطريقة:
1- علشان تجهزي خليط السحلب عندك في البيت اخلطي كل المكونات الجافة مع بعض؛ وهي: السكر البودرة - السمسم - النشا - القرفة - الفانيليا - الرز المطحون - المكسرات.

2- خدي كمية من الخليط ده، وحطّيها مع اللبن على النار مع التقليب المستمر من وقت للتاني علشان الخليط يبقى ناعم، وسيبيه لحد ما اللبن يوصل للسُمك اللي إنتي عايزاه.

3- صبّي السحلب في الأكواب، وزيّنيه بالقرفة وجوز الهند والمكسرات.
لاتنسوى التقييم حبيباتى

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©