عنوان الموضوع : شوربة الخضار والفراخ والمشروم - شوربات من مطبخي
كاتب الموضوع : salima
مقدم من طرف منتديات ايمازيغن



المقادير:

1/4 كيلو صدور فراخ مسلوقة مقطعة قطع كبيرة
3 بصلات مقطعة قطع صغيرة جداً
كوب لبن
3 أكواب شوربة فراخ
كوب دقيق
1/4 كيلو مشروم مقطع شرائح
3 ملاعق كبيرة زبدة
عصير ليمونة
1/2 حزمة بقدونس مقطعة قطعاً صغيرة
ملح وفلفل
3 أكواب خضار مشكل ومقطع مكعبات صغيرة


الطريقة:

1- سيحي الزبدة على النار، وبعد كده ضيفي إليها البصل مع استمرار التقليب لغاية ما لون البصل يبقى ذهبي.

2- لما تلاقي إن لون البصلة بقى ذهبي ضيفي إليها الدقيق مع استمرار التقليب لمدة خمس دقائق أو لغاية ما الدقيق يحمرّ.

3- بعد مرور الخمس دقائق ضيفي إليه اللبن تدريجياً مع التقليب المستمر علشان الدقيق ما يكلكعش.

4- بعد كده ضيفي شوربة الفراخ مع استمرار التقليب لغاية ما تلاقي إن العجينة بقت متجانسة وسمكية ومش مكلكعة، ضيفي إليها الخضار والمشروم.

5- سيبي الخليط على النار لمدة ربع ساعة، وبعد كده ضيفي إليه عصير الليمون والبهارات والملح، وسيبيه على النار لمدة ربع ساعة كمان، أو لغاية ما تلاقي الخضار والمشروم استوى، اطفي البوتاجاز وحطي الشوربة في أطباق التقديم، وزيني الأطباق بالبقدونس.


( مـــــــع تــــحـــــيـــــــات ملـــك أحمد عز )

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©