عنوان الموضوع : عملت بطاطس تحفه000 - وجبات سريعة
كاتب الموضوع : kamiliya
مقدم من طرف منتديات ايمازيغن

السلام عليكم ورحمة الله وبركاته
أما يابنات أنا شفت وصفه لعمل البطاطس للاولاد لكن والله بجد تحفه وعجبت أولادى جدا00قولت أقولهايمكن حد يجربها وتعجبه
أولا تجيبى كمية البطاطس اللى تكفيكى وليكن كيلو بطاطس وتقشريها وتقطعيها طرنشات رفيعه جدا يعنى أسمك من الشبسى بشويه صغيرين وأنا عموما قطعطعها بالقطاعه أو بالمبشره
وهتقطعى عليها شرائح فلفل حامى أوبارد يعنى حسب الرغبه
وتحطى عليهم ملح وفلفل حسب الرغبه وتقلبيهم كويس وتحطيهم فى صينيه مدهونه زيت أو سمن على خفيف
وبعدين هتغلى كمية لبن تكفى لتغطية البطاطس وتتبليه بالملح والفلفل وتصبيه على البطاطس بحيث تغطيه أويعنى يوصل اللبن لسطرالبطاطس اللى عالوجه
وبعدين ترشى على وش الصينيه جبنه رومى مبشوره أوجبنه برميزان أو مدزرلا00أنا عموما رشيت جبنه رومى لأنها ادت الصينيه مذاذة وجمال وترشى شوية زيت زره أو سمن عالوش
وبعدين تدخل الصينيه الفرن على نار متوسطه علشان تستوى وتلاحظيها لحد ماتستوى والوحه يحمر وبالهنا والشفا00الغريب انها كمان عجبت بنتى الصغيره نور اللى مغلبانى فالاكل والله المستعان تعجبكم ولو عجبتكم ادعولى بالخير
وسامحونى اذا كنت معرفتش أوصف بالظبت
والسلام عليكم ورحمة الله وبركااااته

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©