عنوان الموضوع : اصابع الفراخ البانيه - أطباق سهلة
كاتب الموضوع : inzou07
مقدم من طرف منتديات ايمازيغن








السلام عليكم

انا جايبه لكم طريقه اصابع البانيه
على طريقتى كان نفسى اصورها لكم
من مطبخى بس ما عنديش بلوتوث

اول حاجه بنجيب صدور مخليه
ومتقطعه وسط لا رقيقه ولا تخينه







وبعدين نقطعها بالطول صوابع






انا تبلتها بطريقه مختلفه من غير بصل
تبلتها بملح وفلفل وبهارات و خل و شويه دقيق صغيره
وقلبتهم مع بعض




بعد كده اضرب بيضتين ومعاهم شويه لبن وخل
وملح وفلفل وبهارات






واضع الفراخ فيها وممكن اسيبها
فيها شويه تتبل برضه
وده شكل الخلطه




بعد كده تخلطى دقيق مع شويه بقسماط
مطحون صغيره لانه بيشرب زيت
كتيرومعاهم ملح وفلفل وبهارات




بعد كده نحمرها فى زيت غزير
ونطلعها على مناديل او ورق كراريس
اللى بيفضل من الولاد كل سنه
وانتوا عارفين طبعا ان المدرسين
بيطلبوا كشاكيل كبيره
ومابياخدوش فيها حاجه
وبتفضل فاضيه ونجيب جديد الترم التانى




وممكن تقدميها مع بطاطس




او مع اى صوص او سلطه طحينه








قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©