عنوان الموضوع : صينية الرقاق البلدى باللحمة المفرومة بالفرن 2014,أكلات سهلة وسريعة - أطباق سهلة
كاتب الموضوع : hamida
مقدم من طرف منتديات ايمازيغن



صينية الرقاق البلدى باللحمة المفرومة بالفرن 2014,أكلات سهلة وسريعة
صينية الرقاق البلدى باللحمة المفرومة بالفرن 2014,أكلات سهلة وسريعة
صينية الرقاق البلدى باللحمة المفرومة بالفرن 2014,أكلات سهلة وسريعة


ازيكم ياأجمل ثيمازيغين
الظاهر النهادة يوم الأكلات السريعة السهلة
بقدم ليكم صينية الرقاق باللحمة المفرومة صينية ولا أروع

المقادير

1/2 كجم لحمة مفرومة
بصلة كبيرة مفرومة خشن
ملح فلفل أسود بهارات
رقاق بلدى أنا بستخدم 6 طبقات تحت وبعدين الحشوة وبعدين 6 طبقات فوق طبعا لان صينيتى كبيرة فكنت بحط شريحتين رقاق عشان أغطى الصينية
شوربة
سمن لدهن الصينية وكمان دهان الرقاق

الطريقة

نعصج اللحمة المفرومة حنحط سمن في الحلة ونحط البصل المفروم ونقلب



وصليه للدرجة دي



حطى اللحمة المفرومة وقلبي وضعي الملح والفلفل والبهارات حتلاقيها استوت علطول





حضري الشوربة وتكون دافية لو رقاق بلدى لو اشتريتيه من المحل يبقي خليها سخنة شوية لان الرقاق بيبقي سميك
حطى طبق غويط وحطى فيه مقدار من الشوربة حطى جمبك سمنة مقدوحة وادهنى صينيتك بسمنة برضه مقدوحة ضعى الرقاق في الشوربة وطلعيها علطول وحطى في الصينية حتحطى طبقتين رقاق وتدهنى بالسمن يعنى كل طبقتين ادهنى بالسمن بالفرشاه لحد ماتغطى 6 طبقات بعدين تحطى اللحمة الفرومة المعصجة وبعدين تكملى بنفس الطريقة لحد ماتكملى 6 طبقات كمان وبعدين ادهنى وش الصينية وتكونى مسخنة الفرن بقالك ربع ساعة وحطى الرف الشبكى في الوسط وحطى صينيتك وخلى بالك وبصي علي الصينية من وقت للتانى طبعا مش حاحدد وقت لان ده بيبقي حسب الفرن بتاعك وحرارته ارفعى بالسكين بالرحة عشان تشوفى احمرت من تحت ولا لأه لو احمرت افتحى الشواية وحمرى وشها وبكده صينيتك الحلوة جاهزة تمام



ايه رأيكم بقي ياثيمازيغين في الطبق الحلو



صورة تانية



بالهنا والشفا علي قلوبكم


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©