عنوان الموضوع : احلى لانشون فراخ - أطباق للاطفال
كاتب الموضوع : mira
مقدم من طرف منتديات ايمازيغن




تجيبى صدور فراخ مخلية وتفرميها مع بصلة وفص توم وملح وفلفل وزعتر وحبهان مطحون وبعد الفرم حطى عليهم قطع زيتون اخضر طبعا مخلية من البذر ومعلقة زيت ومعلقة خل علشان تضيع اى ريحة فى الفراخ
دلوقتى هتحتاجى لبلاستيك رول من اللى بلزق بتاع تغليف الجبن وحطى فيه عجينة الفراخ اللى عندك ولفيه علشان توصلى لشكل اسطوانة واقفليه من الجانبين زى البونبونى ومن فوق البلاستيك لفيه بورق فويل وحطيه فى صينية فيها كوب ماء وحطيها فى الفرن من تحت يعنى فوق النار مباشرة ولما الميه تقرب تنشف ارفعيه على الرف الفوقانى هياخد حوالى ساعة ولو حسيتى بحروقة ممكن تزودى شوية مية
لما تطلع سيبيها تهدا خمس او عشر دقائق وبعدين فكى التغليف بتاعها وحطيها فى التلاجة لحد ما تبرد وقطعيها شرائح الولاد هيحبوها اوى ان شاء الله
ممكن بدل الزيتون تحطى فلفل حب حسب ما انتى عاوزة
اهو ورى شطارتك للناس وفى
نفس الوقت ابعدى ولادك عن اللانشون الجاهز
ربنا يسترها معانا كلنا


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©