عنوان الموضوع : ساندويتشات للمدرسه - أطباق للاطفال
كاتب الموضوع : مريم
مقدم من طرف منتديات ايمازيغن

أكيد كلنا بيجى علينا وقت ونحتار فى ساندويتشات المدرسه لأولادنا وهنا عاوزين كل اللى عندها فكره جديدهأو مبتكره بهدف التنويع تيجى تقولنا عليها .

وهابدأ معاكم ببعض الأفكار البسيطه :

(1) التونه ونصفيها تماما من الزيت وممكن نضيف لها قليل من الليمون وقليل من المايونيز بتكون لذيذه ومفيده جدا .

(2) بيض مسلوق ونهرسه بالشوكه ونضيف عليه قليل من الجبنه ( بيضه أو كيرى أو مثلثات ) وقليل جدا من زيت الزيتون بتكون طعمها جميل ومغذيه .

(3) بطاطس مسلوقه ومهروسه مع ملعقة مايونيز وملح وكمون .

(4) الجبنه الرومى يضاف إليها شريحة طماطم بدون الميه والبزر ورشة كمون بتكون لذيذه جدا .

(5) ممكن قليل من اللحم المفروم المعصج بمفرده أو مضاف إليه أى شئ محبب مثل ملعقتين فول مطحون أو بيضه مقليه أو قطعة بطاطس مسلوقه ومهروسه .. حيث أن اللحم المفروم يكسب الأصناف طعما محببا للأطفال . وجربوا وهاتشوفوا

(6) إذا كان أطفالكم يحبون المقليات مثل البانيه أو غيره من المقليات فمن الأفضل تغيير طريقة الطهى بدل القلى تكون تشويح يعنى ممكن نتبل البانيه أو الشيش طاووق ونقوم بتشويحه على النار بإضافة قليل من التوابل المفضله وزيت زيتون حتى تجف من الماء وتنضج تماما وتوضع فى الساندويشات ويمكن وضع قطعة فحم فى النهايه لإعطاء رائحة الشواء
فمن الأفضل دائما البعد عن المقليات فى المدرسه لأنها قد تصيب الطفل بشئ من الخمول .

يمكن أيضا التنويع فى الخبز المستخدم ممكن شامى او فينو أو توست أو عيش سورى .
ويجب ألا ننسى أن تشمل الوجبه المدرسيه شئ من الخضروات أو الفاكهه التى تصلح فى المدرسه مثل خيار جزر بلح تفاح .....
وممكن طبعا عصير أو عبوة لبن صغيره أو قطعة كيك أو بسكويت .
وياريت نبتعد تماما عن الشيبسى والشيتوس والحاجات اللى كلنا عارفين أضرارها ولو كان لابد منها نظرا لتصميم بعض الأطفال عليها نخليها مره فى الاسبوع كمكافأه على بقية الاسبوع لو الطفل أكل الأكل الصحى والمفيد .

يارب أكون أفادتكم ومستنيه أفكاركم المنوعه علشان نفيد بعضنا .


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©