عنوان الموضوع : طريقتى فى عمل الزبادى بالخلاط - نصائح مطبخية
كاتب الموضوع : mira
مقدم من طرف منتديات ايمازيغن








كل سنة وانتن طيباااااااات


النهاردة حاقولكم على طريقتى فى عمل الزبادى

المقادير

كيلو لبن + ملعقة زبادى
ملعقة ص سكر ( حسب الرغبة) أو لو الزبادى قديمة علشان ماتبقاش حادقة

الطريقة

حانغلى اللبن كويس ويترك ليبرد ( دافىْء) أكتر من دفىء دمعة العين قليلا

نولع الفرن ثم نجيب الخلاط ونضع به اللبن مع ملعقة الزبادى ويضرب قليلا
( لمدة نصف ق)

حنلاحظ وجود رغاوى على الوش نأتى بالاكواب ونوزع هذه الرغاوى على كل
الاكواب بالتساوى ثم نوزع باقى الخليط ونطفىء الفرن ونأتى بصنية نرص بها
الاكواب ثم ندخلها الفرن لمدة لاتقل عن 6 ساعات
وبالهنا والشفا

ملاحظات

السر فى ضرب اللبن والزبادى فى الخلاط
أولا
حتى نضمن التوزيع الامثل للزبادى مع اللبن

حيث ان خلطها بالملعقة غالبا لا تحقق لكى ذلك
ثانيا
بتحصلى على زبادى شبيها بالزبادو وبتبقى
زى الزبدة أو الكريمة
ثالثا توفيرا للوقت لان ذوبان الزبادى
بالملعقة بياخد وقت أطول

ملحوظة أخيرة

عدم نجاح الزبادى وبيخليها تقطع أو بتبقى
نصفها معمول والنصف الاخر
مش معمول ( غالبا النصف اللى تحت )
3 أسباب

السبب الاول

كمية الزبادى مش مظبوطة اما بالقليل أو
الكثير
السبب الثانى
درجة دفىء اللبن مش مظبوطة
السبب الثالث
درجة سخونة الفرن مش مظبوطة اما
بالزيادة أو النقصان
يارب ماكنش نسيت حاجة
كل عام وانتن بخـــــــــــــــــــــــ ـــــير ،،،


لو عجبتكم الوصفة ماتنسوش الدعواااااااااات
والتقييييييييم




قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©