عنوان الموضوع : تعلم بعض التغير فى الاكل تعالى اقولك - نصائح مطبخية
كاتب الموضوع : madiha
مقدم من طرف منتديات ايمازيغن



بسم الله الرحمن الرحيــــــم



نعرفوا ايه الفرق بين اكل كل ست و التانيه

غير النفس طبعا (مقدرش اتكلم فيه )




التكات الصغيره اللي بتغير طعم الاكل و تقلبه الذ


انا عن نفسي حقولكم زي ايه





بشاميلي بقي احلي بكتييييييييييير لما عملته بالطريقه دي


حقيقي ده اجمل بشاميل ممكن تعمليه و يشرفك بطعمه في اي عزومه




انا عملته بالبشاميل الجاهز علشان لو حد بيكلكع منه البشاميل لكنه ممكن يتعمل بدقيق و لبن عادي و نضيف باقي المكونات


المكونات الاساسيه



حتعملي البشاميل عادي بالطريقه المكتوبه و بعدين حنضيف


معلقه جبنه كريمه شيدر او بطعم الشيدر و ممكن اتنين لافاش كيري


معلتين مايونيز


معلقه سمن


و ممكن لو مافيش جبنه حطي كريمه لباني فنجان


سيبي المكونات تتجانس مع بعض و لما تسخن ضيفي جبنه شيدر او رومي زي ما بتحبي مبشورين و رشه فلفل اسود


و سيبيهم دقايق يسيحوا و اطفي النار و بس



حتلاقيه زي الكريمه و التقليب بمضرب سلك طبعا

دوقي احلي مكرونه بالبشاميل


و كوسه بالبشاميل


و بادنجان بالبشاميل


و كريب و اصناف كتير البشاميل هو اللي بيحيلها


و بالهنا و الشفا







أما الفراخ البانيه مثلا بقت اروع
لما حطيت مع البصل زبادي و معلقه مسطرده



و الشيش طاووق المشوي بقي خطيييييييييير لو حطيتي


مع البصل كاتشاب ............و باربكيو .................و زبادي او كريمه لباني ...........و زعتر ...........و ريحان
وااااااااااو
الفراخ في الفرن بتبقي تهوس لو حطيتي عليها


كوب لبن رايب و انتي بدخليها الفرن
و صينيه الكفته التقليديه ممكن نغيرها شويه


بحلقات بصل كتير و فلفل رومي و مشروم فريش يتقطع نصين و ارميه عليها و دخليه الفرن






لما تعملى مسقعه اقلى البتنجان وبعدين حطيه فى مصفه وصبى عليه ميه مغليه وانتريه فى المصفه وسبيه شويه ينزل ميته قبل ما تحطيه على الصلصه

هتلاقى كل الزيت اللى فى البتنجان نزل والمصقعه بقت خفيفه

بس خلى بالك اوعى الميه تلسعك





 لما بعمل السبانخ
بجيب ربطة سبانخ مثلا نص كيلو عليها 3 ربط شبت بس وفصين توم قبل ما تطفي عليها بثواني
مش بحط كزبرة خالص
 ودوقي طعم التغير





بستعمل الزنجبيل الطازج والزعتر والروزماري في كل تتبيلاتي للفراخ واللحم

 بالإضافه الى باقي مكونات التتبيله اللي كل واحد متعود عليها

 ** أحط ملعقتين صلصة بيشاميل للمرق بيقى طعمه جميل أوي





بعد كل طبخه بالطماطم وضايفه طماطم كتيير وصلصه بحط م ص سكر عشان تكسر الحموضه وبتدى طعم غير
 لما بطبخ اكل تقليدى بسله لوبيا فاصوليا خضرا او يا بسه بعد مخلص الطبخه خالص واطفى النار بدق فص ثوم مع فلفل اسود واجى ضيفاه فى قلب الطبخه واقلب واغطى الحله فى ثوانى مقلوكوش الريحه والطعم وطبعا ( م السكر*)






لما أشوي لحوم أو فراخ أو بحريات على الفحم كل شويه أدهنها بالفرشاة

 بالصويا صوص بيبقى طعمها تحفه





طريقه تجدد المكرونه التقليديه بعد ما تعملي المكرونه بطريقتك العاديه اعملي الدقه دي حتحطي فصين تلاته توم مع فلفل حراق او رومي و معلقه خل و طماطمتين و ملح و فلفل و دقيهم او في الكبه اطحنيهم و لما تغرفي خدي من الدقه و حطي لو ماكلتيش طبقين ابقي ازعلي مني هههههههههههه






تعالوا بقي نحط خبرتي علي خبرتك

و سري علي سرك


و تكاتي علي تكاتك


علشان كلنا يحصل فيه شويه تغيييييير للاحلي


و اولادنا مايزهقوش من نفس الطعم كل مره









متجدد ان شاااااء الرحمــــــــــــــن







قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©