عنوان الموضوع : نصايح كدا على الماشي,نصايح كدا على الماشي - نصائح مطبخية
كاتب الموضوع : madiha
مقدم من طرف منتديات ايمازيغن

نصايح كدا على الماشي


نصايح كدا على الماشي


نصايح كدا على الماشي

- عايزرة ريحة حلوة وانتى بتطبخى ايه رايك ممكن تحطة قطعة مسك صغيرة ع عين البوتجاز واول

ما هتفتحى النار هتلاقى الريحة قالبة الدنيا

عندك حلل الومنيوم لونها بيغير عايزة ترجيعها تانى يلا شوية خل وليمون وادعكى
ولو عندك ورقة فويل كرمشيها وادعكى بيها يا قمر وبعدين مايه وصابون وشوفيها وتعالى قوليلى


-بتقشرى الباذنجان وقليه تلاقيه شال الزيت كله وشربه

طيب بعد ما تقشريه حطيه فى شوية مياه وملح وبعدين شوية فى الشمس صغيرين وبعدين اقليه



-بتعملى عصير اى نوع فاكهة وتحطيه فى دورق وتحطيه فى التلاجة كده غلط لان فيتامين ج اللى فى العصير بيبوظ بمجرد تعرضه للهواء يبقى نحطه فى ازايز او زجاجات


عينك بتتشحطف وانتى بتعملى البصل وبتقطعى قبل ما تقطعيه حطيه نص ساعه فقط لا غير فى الفريزر وبعدين قطعيه وعيطى برضه


-كلتى اكلة باذنجان بالخل والتوم يلا بسرعه حطى عودين بقدونس فى بوقك وامضغى

طيب التوم ريحته مالية ايديكى قشر الليمون وادعكى وبعدين اشطفى

- بتحمرى اللحمة والسمنة بتطرطش ومشوهة ايديكى ووشك عارفة انا الشكل ده

طيب رشى شوية ملح صغيرين للسمنة

-عملتى نفسك فلحوسة شاطرة وحطيتى التوابل بالنظر والشطة ولا الفلفل الاسود زادوا

واتلهلب طيب حطى معلقة او معلقتين لبن ع الاكل بس يكون دافى مش ساقع

عندك مطحنة وطحنتى توابل والريحة مش راضية تروح وعايزة تطحنى سكر

اغسليها واطحنى فها شوية عيش محمص


الملح بتاعك بيرطب فى علبته حطى كام حبة رز جوا العلبة


كفاية كده عليكو هتطمعوا



قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©