عنوان الموضوع : كيف تتجنبي شرب الباذنجان للزيت في المسقعة .. من خبرتي - نصائح مطبخية
كاتب الموضوع : admin
مقدم من طرف منتديات ايمازيغن

ازيكم ياقمرات ياثيمازيغين

بصوا بجد كان نفسي اجيبلكم صور بس سامحوني

المرات القادمة ان شاءالله يكون في صور

النصيحة بتاعتي واضحة من العنوان

وهي ازاي نعمل مسقعه من غير ما الباذنجان

مايشرب زيت بكمية رهيبة زي ماساعات بنشوف


انا زمان والدتي كنت بشوفها تنقع الباذنجان في مية وملح

وكانت عملية صعبة لأنه لما بيتقشر ويتقطع

بيكون خفيف الوزن وبيعوم على وش المية وكنا نضغطه

ونحط فوقه ثقل ههههههههههه ماعلينا


انا بعمله ازاي بقاااا ؟؟

عادي بنقشر الباذنجان كويس ونقطعه زي ماتحبي

عن نفسي بحب اقطعه مكعبات لا تخينة ولا رفيعة

وزي ماهو ارصه في مصفاة طبقة وارش فوقيها ملح

وطبقة اخرى وفوقيها ملح وهكذاااا لما يخلص المقدار

وبس .. نسيت اقولكم بحط طبق تحت المصفاة

واترك الباذنجان من ساعتين الى اربع ساعات

ايوة مش نستعجل على عمايله يعني لو ناوية تعملي

مسقعه يبقا من اول النهار تقطعيه وتتركيه لما تخلصي الشقة

مثلا وتبدأي بعدها تقليه في زيت غزير عادي

وهتتفاجئوا بالنتيجة الزيت هيفضل بكميته زي ماهو

والباذنجان هيتحمر بسرعة وعمره ماهيشرب زيت

وتكملي عادي تكوني مجهزة الصلصة ولو بتعمليها باللحم

المفروم برضو براحتك ....

وتحيتي لكم من كل قلبي

والى لقاء

ارجو تجربوا وهتشوفوا الفرق




قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©