عنوان الموضوع : اجعلي أولادك يحفظون القران ولكن ......- لتربية الطفل
كاتب الموضوع : hanan
مقدم من طرف منتديات ايمازيغن


السلام عليكم ورحمة الله وبركاته

كلنا نفسنا ولادنا يحفظوا القران

بس لازم نكون حريصين انهم يحفظوه صح

ازاي ؟
هوه ده اللي عايزه اقولهولكم

حبيت انقل لكم خبرتي في حفظ القران

كلنا عارفين ان التعليم في الصغر كالنقش على الحجر

بس نقش عن نقش يفرق
واحنا عايزين ننحت صح

اولا :
لما يروح طفلك للشيخ لازم توصي الشيخ أن الطفل يسمع له بالتشكيل والشيخ نفسه يقرأ أمامه بالتجويد حتى يتعود طفلك على القراءة الصحيحة

لان القراءة اللي اتعود عليها وهو صغير هيكبر عليها

لان من شب على شئ شاب عليه

ثانيا :
لازم تتابعي الشيخ نفسه

ازااااااااااااااي ؟؟؟؟؟

الشيوخ بيبقى عندهم اطفال كتير فساعات الاهتمام بيقل

لازم تتابعي طفلك اخد ايه في الجديد وراجع ايه في الماضي

طيب سمع لي الحته الفلانية طيب قولي الحته دي من السورة دي

ثالثا :
لما طفلك يحفظ حاجه لازم تقرأيها من التفسير وتعرفيه معاني الكلمات

كل الاطفال بيبدأو من جزء عم وده اكتر جزء في القران موجود فيه معاني غير مفهومه

الاطفال بيسمعوا الكلمة ومش فاهمينها بس بيحفظوها على ماهي عليه (زي بالظبط اللي مش فاهم الكلمة المكتوبة فبيرسمها)

وكتاب التفسير ده بيبقى فيه أسباب نزول الايات اللي هيه قصص

والاطفال بيعشقوا حاجه اسمها قصص فانتي بالطريقة دي هتحببيهم في حفظ القران

ثالثا:
لازم يكون عندك في البيت كتاب في المتشابهات

لان القران مليان متشابهات والطفل لازم يفرقهم عن بعض علشان القران يثبت عنده صح

لو الطفل عمل ده لوحده هيبقى مجهد بالنسبه له ده غير انه مش هيقدر يلم متشابهات القران كلها والاطفال اصلا مش بيبقوا حريصين على ده

فيه شيوخ بيساعدوا الاطفال في اخراج المتشابهات بس فيه شيوخ تانية بتقصر في النقطة دي

رابعا :
لما ابنك يخلص القران متخليهوش يسيب الشيخ اللي بيحفظه

لان المراجعه اهم من الحفظ ولو سبتيه منه لنفسه مش هيراجع

خامسا :
لازم تعملي مسابقات بين اولادك في القران واللي يحفظ احسن ياخد جايزه علشان تشجعيهم على الحفظ

ولازم يدخلوا في المسابقات اللي بتعملها المساجد والمؤسسات علشان ده بيخليهم يشوفوا مستويات أعلى منهم في القران فيغيروا منهم ويحاولوا يكونوا أحسن منهم أو على الاقل ف مستواهم


طبعا بعد كل الكلام ده أنتو بعد كل الكلام ده شايفين انه مجهود كبير عليكم

بس انتو عارفين (إن الله لا يضيع أجر من أحسن عملا)

وإليكم هاتين البشارتين

الاولى :
أي حاجه هتعمليها مع ابنك وهو صغير هيفضل فاكرها مهما كبر
ما اح
ا قولنا التعليم في الصغر كالنقش على الحجر[IMG]http://files.*******.com/newsmilies/sFun_mischieviousbig.gif[/IMG]
ومحدش يقولي غيه سبب نزولها .. أنا هقولكم لوحدي

سبب النزول :

قوله تعالى:" ثم لتسألن يومئذ عن النعيم " روى مسلم في صحيحه" عن أبي هريرة قال: خرج رسول الله صلى الله عليه وسلم ذات يوم أوليلة، فإذا هو بأبي بكر وعمر ، فقال: (ما أخرجكما من بيوتكما هذه الساعة)؟ قالا: الجوع يارسول الله. قال: (وأنا والذي نفسي بيده لأخرجني الذي أخركما، قوما)فقاما معه، فأتى رجلاً من الأنصار، فإذا هو ليس في بيته، فلما رأته المرأة قالت: مرحباً وأهلاً. فقال لها رسول الله صلى الله عليه وسلم: (أين فلان)؟ قالت: يستعذب لنا من الماء، إذ جاء الأنصاري، فنظر إلى رسول الله صلى الله عليه وسلم وصاحبيه، ثم قال : الحمدلله! ما أحد اليوم أكرم أضيافاً مني. قال: فانطلق، فجاءهم بعذق فيه بسر وتمر ورطب، فقال: كلوا من هذه. وأخذ المدية، فقال له رسول الله صلى الله عليه وسلم : (إياك والحلوب) فذبح لهم، فأكلوا من الشاة) ومن ذلك العذق، وشربوا، فلما أن شبعوا ورووا، قال رسول الله صلى الله عليه وسلم لأبي بكر وعمر: (والذي نفسي بيده لتسألن عن نعيم هذا اليوم، يوم القيامة، أخرجكم من بيوتكم الجوع، ثم لم ترجعوا حتى أصابكم هذا النعيم) " .خرجه الترمذي

طبعا الكلام ده أنا جايباه من على النت لاني لو كتبت لكم الحكاية بأسلوبي مش هتبقى منظمه اوي

البشارة التانية والكبرى :

تاج الكرامة
وعن بريدة رضي الله عنه قال : قال رسول الله صلى الله عليه وسلم : " من قرأ القرآن وتعلَّم وعمل به أُلبس والداه يوم القيامة تاجاً من نور ضوؤه مثل ضوء الشمس ، ويكسى والداه حلتين لا تقوم لهما الدنيا فيقولان : بم كسينا هذا ؟ فيقال : بأخذ ولدكما القرآن " . رواه الحاكم

عن أبي هريرة قال : قال رسول الله صلَّى الله عليه وسلم : " يجيء القرآن يوم القيامة كالرجل الشاحب يقول لصاحبه : هل تعرفني ؟ أنا الذي كنتُ أُسهر ليلك وأظمئ هواجرك ، وإن كل تاجر من وراء تجارته وأنا لك اليوم من وراء كل تاجر فيعطى الملك بيمينه والخلد بشماله ويوضع على رأسه تاج الوقار ، ويُكسى والداه حلَّتين لا تقوم لهما الدنيا وما فيها ، فيقولان : يا رب أنى لنا هذا ؟ فيقال لهما : بتعليم ولدكما القرآن " . رواه الطبراني في " الأوسط "

طيب الكلام ده كله للصغيرين والكبااار اللي عايزين يحفظوا القران ؟؟؟؟

كل الكلام اللي فوق ينطبق على الكبار والصغيرين

بس انا خصيت الصغيرين لانهم مش عارفين مصلحتهم

لكن الكبار لما بيحفظوا بيهتموا بالحفظ

وربنا يكرمنا جميعا بحفظ القران والعمل به
اللهم اجعل القران ربيع قلوبنا ونور صدورنا وزوال همومنا وجلاء غمومنا

اللهم ذكرنا منه ما نسينا وعلمنا منه ما جهلنا وارزقنا تلاوته اناء الليل واطراف النهار على الوجه الذي يرضيك عنا يارب العالمين

أترككم في رعاية الله وامنه

وسلام الله عليكم ورحمته وبركاته

منقول


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©