عنوان الموضوع : اللي بتستعمل كبسولة تحت الجلد تيجي تفيدني- استفسار نسائي
كاتب الموضوع : chichaki
مقدم من طرف منتديات ايمازيغن

ثيمازيغيني ازايكم
بصوا أنا حدخل في الموضوع على طول
أنا بستعمل وسيلة لمنع الحمل اللي هي كبسولة تحت الجلد ومركباها من 15/ 8 اللي فات وكنت مركباها في تاني يوم للدورة ونزلت الدورة بعدها يوم 8/ 9 اللي فات ومن وقتها امتنعت الدورة لحد يوم 18/ 4 اللي فات ومن ساعتها ماوقفتش يعني بقالها شهر ونص مع العلم انها مش كتير من حيث الكمية لأن الفوطة الواحدة ممكن تاخد 3أيام وماتتملاش حتى لنصها بس أنا زهقت
وروحت لدكتورة الوحدة الصحية يوم 9/ 5 وكتبتلي على (دافلون وكابرون أقراص وديوسيد)لمدة 5أيام ومفيش فايدة
رجعت للوحدة تاني يوم 14/ 5 فقابلت دكتورة تانية كتبتلي (كابرون 4حقن على يومين وديوسيد لمدة 5أيام )وبرضه مفيش فايدة أنا عارفة ان الكبسولة بتلخبط شوية في الدورة لكن أنا مستكترة المدة بصراحة
المهم فقلت مابيداهاش بقى وحجزت عند الدكتور اللي كنت بتابع عنده الحمل وحروح له بكرة الصبح ان شاء الله وربنا يستر ومايقوليش نشيل الرحم أصل عندي أورام ليفية لايمكن استئصالها الا بالرحم نفسه
ادعولي يكون خير لأني مش حشوفكم لحد يوم السبت لأني حطلع من عند الدكتور على مامتي

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©