عنوان الموضوع : تحظير كروكون روعة و الله متندموا يهبل كوزينة الجزائ
كاتب الموضوع : inzou07
مقدم من طرف منتديات ايمازيغن
السلام عليكم ورحمة الله تعالى و بركـــــاته ... أخواتي في اللمة أردت أن أعطيكم وصفة وطريقة للكروكون تهبل ... والله اللي تذوقوا تهبل عليه و تدي الطريقة ... و لكن معنديش الصورة كي نصوروا نحطهالكم
المقادير :
* 6 بيض (عظام)
* 1 كأس سكر
* 1 كأس زيت
* 3 خميرة القاطو
* شوي فاني
* شوي كاكاو
* فرينة
التزيين :
ماء زهر
مربى
نواد كوكو
طريقة التحظير :
* نخلط بال batteur البيض و السكر نخلوهم مليح ... ممبعد نزيدوا الزيت و ممبعد نحبسوا نخدموا بمغرف لوح ولا بيدينا نظيفوا الفاني و ممبعد نحطوا شوي فرينة و نحطوا فوقها الخميرة وامبعد نزيدوا الفرينة شوي و نخلطوا و نحوا شوي بجيهة في طبسي و نديرولوا الكاكاو و نزيدوا الفرينة فالجيهتين حتان توللي عجينة ماشي قاسية طرية باش متتشققش ممبعد ديري فالبلاطو شوي زيت و ذري فوقوا الفرينة و ديري حربوش أبيض و في وسطوا شوي تاع الكاكاو و سكريه و كسليه مليح و سويه المهم متعرضيهش ياسر خاطر تتنفخ
و ديريها اطيب على نار 180* .... ممبعد كي طيب تقسميها و تخليها تبرد شوي ... و بجيهة تكوني جريتي شوية المربة بالماء زهر و تغطسي الكروكي في خليط المربى و الماء زهر و ممبعد تمرمديه فالنواد كوكو
.... يااااه و الله تموتي عليه أحنا ميخطيش الدار كامل ....
.... و تـــــاكلي بالصحة و الهنــــــــــتا ...
... اللي تجربوا ترد الخبر...
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
