عنوان الموضوع : مشاركتي في مسابقة الطماطم من مطبخي
كاتب الموضوع : mira
مقدم من طرف منتديات ايمازيغن

بسم الله الرحمان الرحيم

نقل مباشر وحصري









جبتلكم طبخة بالطماطم الطازجة
اولا نحطلكم حميص طازج فلفل وطماطم من اليد العاملة الى المقلة مباشرة هههه
فلفل مقطع رقيق نحطوه في مقلة وشوية زيت نخليو يتقلى
نقشرو طماطم ونرحيو معاها ثوم ونضيفوها للفلفل انا درت معاها شوية زيتون ونخليوه يطيب
هذا حميص عادي وكاين حميص مشوط وحميص مفور وتقدري تاني ترحي الفلفل والطماطم فقط بالميكسور وديريه شغل صوص حار تضيفيه للحم المشوي اوالجاج روطي ....
ان شاء الله اذا توفر الوقت نزيدلكم وصفات تع لحميص



وكاين صوص طوماط لعدة استعمالات
انا اليوم درتها مع باستا
نغليو طماطم تكون حمرا وطرية في ما من بعد نقشروها نقطعوها نقطعو معاها بصل ثوم فلفل اخضر شوية توابل فلفل اسود كمون حسب الاختيار ونميكسيها في ميكسور انا عندي ميكسور يعمل صوص
من بعد نضيفو زيت و خردل وملح وما ونخليوها تغلي ورقة رند باه تطلق الريحة




كي يثقال الصوص تاعك وشفتيه حامض عدليه بشوية سكر وتحبي تضيفي فيه شوية عصير ليمون
هاد الصوصو تستعمليه في المعجنات سباقيتي ،معكرونة ،بيتزا، لزانيا
وتزيني من فوق بفرماج رابي














©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©