عنوان الموضوع : مشاركتي في مسابقة الطماطم ..الصوص تومات و بعض استعمالاتها .. مطبخي الجزائري
كاتب الموضوع : kouka
مقدم من طرف منتديات ايمازيغن

حوش راكم يا لماويات يا فحلات ؟؟

بيت نشارك في هاد المسابقة بلاك نفيدكم و نجيبلكم حاجة جديدة
طولو بالكم الموضوع راه طويل شوي


البندوره ( الطماطم )لها خصائص طبيه تنفرد بها عن بقية الخضار ، فهي تزيل جراثيم المرض العالقه بالجسم ، وتفتح القنوات الطبيعيه في الجسم ، وتعمل على تنشيط حركة الكلية .

ومن الملاحظ عدم تلف فيتامين C الموجود في الطماطم بسرعه كونه محميا بواسطة الحموض ، وتزداد كمية هذا الفيتامين كلما اكتمل نضج الطماطم .
عصير الطماطم تطهير المعدة والأمعاء ويزيل عسر الهضم ويطرد الغازات من البطن ويعالج الامساك .
وتحتوي البندورة على الحديد وهو سهل الهضم
كما ان الطماطم مفيدة جدا في ماسكات التجميل

عندي ليكم اليوم وصفة من اهم الوصفات للطماطم و هي حصرية نوعا من مطبخي و هي صلصة الطماطم

و انا نستعملها للبيتزا او مع البطاطا المقلية او مع الباذنجان المقلي او حتى مع الرز او الفاصوليا الخظراء ...و راح نعطيكم بعض الوصفات و يااا ربي يعجبوكم
نبداو بسم الله ...

اولا تقطعي حبو بصل صغيرة الى متوسطة +3 او 4 مغارف زيت +ملح و تخليهم على نار هادئةو مبعد كي يتقلاو شوي زيديلهم سنينات ثوم و التوابل ..كروية .تابل .فلفل اكحل .بابريكا .فلفل احمر حلو مرحي .فلفل اسود و مغرفة طماطم مصبرة

زيدي خليهم يتقلاو شوي و مبعد زيديلهم عصير الطماطم بعد لا تكوني غسلتيها و ميكسيتيها



[

لكان الطماطم نتاعك فيها بزاف الماء ما تزيديش الماء و لكان العكس زيدي شوي ما مقدار فنجان او اكثر شوي ...خليها حتى يولي قوامها المطلوب لكان للبتزا خليها شوي سايلة لانها راح تعاود طيب
و لكان راح تؤكل كصوص تومات مباشرة خليها تعقد
و لكن قبل ما تعقد و في اللحظات الاخيرة اضيفي الباقة العطرية تاعك شوي اكليل الجبل +ريحان +رند +زعتر ..قرصة او اكثر شوي من هدا الخليط و اضيفي فلفل اخظر حار
راح يزيد نكهة خاصة
و هاي الصوص وجدت


الآن استعمالات الصوص تومات

تقدري تستعمليها مع البادنجان المقلي بعد ما تملحيه و ترمديه في الفرينة و مبعد البيض و لا شايلير (الخبز المرحي )احسن طريقة لقلي الباذنجان و ما يجيش معمر بالزيت

و لا تستعمليها مع البطاطا المقلية ....طعمها رائع

و لا ايضا مع الفاصوليا الخظرا بعد الغسل و التقطيع و الطهي على البخار
تحطيها تغلى شوي في الصوص تومات



كما تقدري تخبيها في الفريزر لاستعمالها في وقت لاحق و لكن في علب صغيرة كي يسهل استعمالها

نتمنى يكون موضوعي عجبكم و تمنياتي ليكم بصحة جيدة و شباب دائم مع
الطماطم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©