عنوان الموضوع : مشاركتي في مهرجان اللمة للطماطم ..بيتزانو ايطاليانو من عند ام ندوش
كاتب الموضوع : hanan
مقدم من طرف منتديات ايمازيغن

السلام عليكم ورحمة الله وبركاته

اولا الف شكر على الجهود المبذولة من طرف القائمين على هذا المهرجان المميز
مع تمنياتي لكل المشتركين بالتوفيق .
انا حبيت نشارك من بداية المهرجان لكن للاسف انا كان عندي ازمة في انتاج الطماطم
وماكانش حيلتي الا اقل من طمطماية واحدة يتيمة في الفريجيدار هههه نشوف فيها كالكنز


صورتها وخليتها تعس الدار في غيابي خخخخ



كنت نليكيدي باش نكمل واش كاين في الدار
وكي جيت من بسكرة اول حاجة كومونديتها هي الطماطم





نرجعو لصلب الموضوع
بيتزا اول مرة نطيبها بهذي الطريقة
لكن بصراحة والله جات هايلة وخفيفة وطعمها هاايل وحتى لولاد كلاوها
رغم اني كنت مستبعدة ياكلو الحبق هوما الدبشة والمعدنوس ينقوهم

منين ندخل نخرج على الموضوع ههه
نرجعو للمكونات
عجينة ال 10 دقائق
صوص البيتزا المعروفة
شرائح من جبن الموتزاريلا
شرائح رفيعة جدا من الطماطم
رشة زيت زيتون
رشة حبق يابس // basilic

الطريقة موضحة بالصور المفصلة



نحل العجينة وندير مسحة خفييييييييفة من الصلصة غير شوية برك مانكثرش


ومن بعد شرائح الطماطم والموتزاريلا بالتناوب


ومن بعد رشة خفيفة من الحبق المجفف ورشة زيت زيتون وندهن الحواشي ثاني



وندخلها للفور امممممممممم شوفو شكلها



وهنا طابت من تحت ولونها ذهبي مانخليهاش حتان تحمار وتيبس وتروح بنتها



وهنا بعد ما قسمتها



طعم لا يقاوم ههه الخفة والبنة راني نشكر ونعاود كلي ثقة



مع كاس كوكا تكتمل الشبعة خخخخخ


وشكرا على المتابعة .





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©