عنوان الموضوع : مشاركتي الخامسة في مسابقة الطماطم ..صوص غوج بالخضر و الرز.. .. مطبخي الجزائري
كاتب الموضوع : kamiliya
مقدم من طرف منتديات ايمازيغن

قبل ما يفظ المهرجان حبيت نحط واحد الوصفة هايلة
تاع واحد الصوص غوج بالخضر
تجي هااايلة خاصة مع الرز

نبداو بسم الله مع الوصفة

تقطعي صدر دجاج او جزء منو قطع صغيرة +حبة بصل صغيرة و سنينات ثوم و 4مغارف زيت و الملح
تخليهم يتقلاو وي
ثم تزيدي فوقهم زوج حبات جزر مقطع مكعبات و زوج حبات جريوات (كوسة)مكعبات ..تخليهم يتقلاو وي
تزيدي زوج و لاثلاث حبات طماطم مرحيين +مغرفة كبيرة طماطم مصبرة
و التوابل ..فلفل اسود و بابريكا (اختياري)

تقليهم جيدا على النار ثم تظيفي الماء و كي يغلى تزيدي مقدار كاس او اكثر جلبانة
و تخليهم يطيبو








تكوني طبعا طيبتي الرز و كي تعقد لا صوص تقدميها معاه
و بالصحة و الهنا


وصفة ساهلة و لذيذة و صحية


دامت الافراح و المسرات يا اهل اللمة لعزاز



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©