عنوان الموضوع : مشاركتي في مسابقة الطماطم .. اطباق و لا الذ .!..ادخلي لن تندمي ... من المطبخ الجزائري
كاتب الموضوع : kamiliya
مقدم من طرف منتديات ايمازيغن




مازلنا مع الطماطم ...و مانيش رايحة من هنا حتى تحاوزوني هههه

جبتلكم اليوم اطباق رائعة مغذية و لذيذة و تنفع ريجيم

الوصفة الاولى ...شكشوكة كرمب

نظفي الكرمب جيدا و قطعيه الى قطع صغيرة جداااا وضعيه في مقلاة +بصلة متوسطة مقطعة الى قطع صغيرة جداا +4ملاعق زيت +ملح و توابل
قليهم على نار متوسطة حتى يذبالو ثم زيدو زوج حبات طماطم مرحية
و خليهم يطيبو على نار مهيلة و لا شفتي الكرمب مزال ما طابش
زيديلو شوي ماء و كي ينشف كسري البيض







الوصفة الثانية و الي تنفع جدااا مع الوصفة الاولى
هي
فيلي السمك بالحليب الرايب

هدا طبق ايراني تفاجئت بيه اول مرة مند سنوات و لكن كي جربتو سبحان الله طعم رهيب
رائع و لذيذ جداااا جربوه و رجعولي الخبر

الطريقة

تحطي حوالي كاس حليب رايب في اناء +كمون و ملح و زيت الزيتون و فلفل اسود
و ما تنسيش الحامض و تخلطي جيدااا و تحطي شرائح فيلي السمك
و تخليهم على الاقل ساعة
و مبعد ترمديهم في الفرينة و تقليهم
طبق و الله عجيب المذاق



و بالهنا و الشفا

ملاحظة بالنسبة للطبق الاول ..دائما نزيدو لاي طبق يحتوي على الكرمب شوي سكر
يلذذ مداق الكرمب و جربي
بالنسبة للطبق الثاني فيلي السمك ديكنجليه (ازالة الثلج )تكون في الثلاجة الجزء السفلي
اثناء القلي خليه حتى يحمار جيدا بش تقلبيه و الا يتفتتلك





يااا ربي تكونو استفدتو .....في امان الله ..



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©