عنوان الموضوع : تطبيقي لوصفة الأخت روعة 2015 (شكشوكة المخ الكادب) ^^ من مطبخي
كاتب الموضوع : inzou07
مقدم من طرف منتديات ايمازيغن

السلام عليكم ورحمة الله تعالى وبركاته
أهلا بكامل لحراير لي يسركلو لهنا
ههههههههههههه
هدا اول موضوع ليا في هاد المنتدى
تالمو لبارح عشية كاملة وانا نقرعج هنا هزيت قداش من وصفة وعولت نجربهم
وبديت بوصفة الأخت روعة2015 اللي هي شكشوكة (المخ الكادب)
باينة من اسمها تجي زي المخ في الشكل ولكن في الطعم لا علاقة بيه هههههههههه
وهذا رابط الموضوع الأصلي

الحقيقة أنا غيرت فقط في كمية المقادير يعني زدت شوية الكمية بارسكو اللي درتها هي بانتلي متقنعش
سيرتو مع خويا الصغير يفنى على هاد الخرابيط ههههههه ميطيرنا والو معاه هههههه


بسم الله
أول حاجة

المقادير

3 علب طون طماطم – 4 بيضات – 8 قطع فرماج لافاش كيري
كمية معدنوس مقطع – مغرف صغيرة هريسة حارة وملعقة صغيرة كمون

(انا نسيت محطيتوش هنا) ههههه
وكيما قالت الأخت روعة 2015 الوصفة متحتاجش ملح لأن الطون والفرماج مالحين

ومع هدا حطيت شويتح برك ههههه



طريقة التحضير

أولا: فقست البيضات وزدتلها الفرماج بعدما قطعتو قطع صغيرة
وحطيتها فالمقلاة على نار هادئة وعبزت هداك الفرماج بالشوكة باش يتحلحل






بعد ما طابت نص طياب حطيت الطون والمعدنوس والكمون والهريسة بعد ما خلطتهم وحدهم
مبعد تحركي شوية ومتخليهاش تنشف
وتقدميها


أنا قدمتها مع الفريت بارسكو خاوتي في زوج يفنااااو عليها
هههههههههههههههههههههه





طبعا كيما وعدت الأخت nada242015 الوقابة نحطلها الصور تع العشا
نقلها يما دارت الطبق الرئيسي تريدة تع الموس
مش كيما توقعت انا الشواط خخخخخخ




والسلطة سمـpولي الله غالب كنت نغسل في لمواعين خليت يما لي دير فالسلاطة وهي لا علاقة بالتزيين
ههههههههههههههههه




عندك صحين صغيور تع حميص امممممممم




والديسير صحين مشماش




وصحن دلاع




هيا توقبو كيما تحبو وقولولي وش رايكم فالشكشوكة؟
سلاااااااااامو




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©