عنوان الموضوع : مقروط اللوز من مطبخي
كاتب الموضوع : inzou07
مقدم من طرف منتديات ايمازيغن

السلام عليكم و رحمة الله تعالى و بركاته

لن اسمح بنقل مواضعي و صوري الخاصة خارج المنتدى

اليكم وصفة مقروط اللوز من مطبخي

لعجينة اللوز :
3 عبار لوز
1 عبر سكر عادي
قشور ليمون
رشة خميرة كيميائية
و بيض حسب العجينة

للتسكار:
شاربات تكون عاقدة شوية
سكر مسحوق مغربل


طريقة التحضير:
نرحي اللوز رقيق و نعبر 3 عبار
نظيفلو عبر سكر عادي
نظيفلو قشور الليمون المرحية و رشة الخميرة الكيميائية

و نخلط الكل و نجمع بالبيض حتى نحصل على عجينة متماسكة ماشي يابسة مليح ماشي طرية طالقة روحها
نشكل حربوش و نقطعهم مقروطات و نستفهم في صينية مدهونة بالمرغرين و مرشوشة بالفرينة
ندخلهم للفور سخون و ننشفوهم برك ماشي حتى يحمارو بارسكو كي يحمارو ييبسو من بعد

كي يطيبو نخلوهم يبردو مليح
نجيبو الشاربات اللي نكونو طيبنتها من قبل و نحطو الحبات تع المقروط و نستفوهم في grillage يقطرو و نحطوهم فالسكر المسحوق و نسكروهم التسكيرة الاولى و من بعد نزيدو نحطوهم فالسكر المسحوق وحداخر نسكروهم التسكيرة الثانية و نستفوهم في صينية باش يشدو رواحهم و فالاخير نغربلولهم شوية سكر مسحوق على الوجه باش الحبة تقعد شابة
و نحطوهم في les caissetes و نقدموهم

و اليكم الصور






قيموني ان اعجبتكم

تحياتي لكم



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©