عنوان الموضوع : -ميــني تارت سابلي بالكريمة والفواكــــه من مطبخي-... جزائرية
كاتب الموضوع : madiha
مقدم من طرف منتديات ايمازيغن

سلاام لبنات
بطلب من عضوة درت الموضوع للاستفادة الجميع
ان شاء الله يعجبكم
(المقادير العجينة دلتني عليهم الاخت ام ندى ربي يجازيها كل خير وليت ديما نستعملها )

مقادير عجينة تارت سابلي
300غ فرينة
175غ مارغارين (انا نستعمل فلوريال الاحسن)
2صفار بيض
2مغارف سكر
مغرفة ص فاني
الطريقة
اولا تخلطي الزبدة مليح مع السكر حتى يدوب كلشي
ممبعد تضيفي صفار البيضتين و فاني انا زدت تاني شوية قشور ليمون اختياري وتضربيهم مليح
ممبعد تستغناي على الباتور وتبداي تضيفي الفرينة لكن بدوووون عجن فقط تلمي لانو عجينة سابلي تتلم فقط
وادا شفتيها مازال تلصق ضيفي الفرينة

وخليها ترتاح فالثلاجة على الاقل نصف ساعة
مقادير الكريم
انا استعملت كريم باتيسييار
250ملل حليب
صفار بيضتين
50غ سكر
30غ مايزينا
مغرفة فاني
الطريقة
نضربو بالخلاط البيض السكر والفاني حتى يدوب كلشي ممبعد نكونو حطينا الحليب يغلي نفرغو شوية منو على الخليط ونزيدو نضربوه بالخلاط ثم نفرغو الخليط على الحليب المتبقي ونحطوه على نار هادية حتى يتقال مع التحريك المستمر والسريع

بعد ما تريح لعجينة شكليها فالقوالب الي تحبي وثقبيهم بالفرشيطة ومن الافضل ماترققيش العجينة بزاف باه كي يطيبو مايتكسروش بلخف حطيهم فالفرن
و بعد مايطيبو خليهم يبردو ممبعد عمريهم بالكريمة والتزيين عليك
هادو عملتهم البارح






وهادو في رمضان


ان شاء الله نكون فدتكم بحاجة
سلام :re_gards:




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©