عنوان الموضوع : الزلابية من من مطبخي خير من تع برا حلويات من المطبخ الجزائري
كاتب الموضوع : mira
مقدم من طرف منتديات ايمازيغن

السلام عليكم

عملت هاد الزلابية تطبيق لوصفة احد الاخوات من احد المنتديات


وجات بنينة بزاف خيرمن تاع برا

المقادير
3 فنجان فرينة
1 فنجان سميد
2 ملاعق كبار سمن ذايب
2 ملاعق كبار زيت
2 ملاعق كبار سكر عادي
نصف ملعقة صغيرة خميرة تع خبز
شوية ملح و ماء دافي

الطريقة
نخلط المقادير الجافة اولا مع بعضها ثم نضيف السمن و الزيت

ومبعد نزيد الماء غير بالشوية ونحرك حتى تتحل الكويرات اللي فيها ونتحصل على قوام متجانس

وهذي صورة توضح قوام العجينة
خليها ترتاح حوالي 5 دقائق ثم افريغها في القمع الخاص بالزلابية انا مثلا نديرها بكيس الحليب العادي نفرغ فيه العجينة ونعمل ثقب بالمقص حسب السمك اللي تحبي و في زيت ساخن نشكل الزلابية كيما نحب و لما نخرجها نحطها مباشرة فالعسل الساخن و هكذا نحصلوا على زلابية من عمايل ايدينا



اتمنى تعجبكم


©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©