عنوان الموضوع : تورتة المشماش بالخطوات المصورة جزائرية
كاتب الموضوع : kouka
مقدم من طرف منتديات ايمازيغن
السلام على الجميع 
بمان المشماش راه داير حالة حبيت نعمل تورتة مشماش ان شاء الله تنال اعجاب الجميع 
heer: المقادير
- 300 غ فرينة
- 125 غ زبدة بوماد
- قرصة ملح
- تقريبا كاس حليب عادي
للكريمة
- كاس و نصف من الحليب
- ½ كاس من السكر العادي
- 2 ملاعق كبار مايزينة( نشاء)
- ½ ملعقة صغيرة قشور ليمون
- قليل من لافاني
للتزيين
- 3 ملاعق كبار من كرام فراش او شانتيي
- 250 غ فاكهة المشماش
- 4 ملاعق كبار معجون المشماش
- 2 ملاعق كبار ياغورت طبيعي
التحضير
- اول شي نحضر الكريمة في كسرونة ندير الحليب+ سكر+ فاني+ قشور ليمون+ مايزينة و نخلط الكل بارد في بارد من بعد ندير الخليط على نار هادئة و نحرك كي يبدا الخليط يثقال نطفي عليه و نخليه على جهة
- للعجينة في ليان ندير فرينة+ قرصة الملح و نخلط الكل مع بعض من بعد نضيف الزبدة طرية و نحك بين صباعتينا تولي العجينة كيما رمل
من بعد نضيف الحليب بالتدريج حتى تتلم العجينة نخليها على جهة مدة 10 د ترتاح
- من بعد هذه المدة نحل العجينة بسمك 2 ملم و نديرها في مول خاص بتورتات او في مولات صغار و نثقبها بالشوكة و العجينة تكون رقيقة شوية
و ندخلها الفرن مدة 10 د حتى 15د كي تتماسك و يبدا لونها يميل لذهبي
- كي تبرد الكريمة نضيفلها 3م.ك كرام فراش او كريم شانتيي و نخلط غير من الفوق
- نفرغ الكريمة على العجينة و نعاود ندخلها للفرن مرة ثانية مدة 5 د
- بعد هذه المدة ندي مشماش نقطعوه هلالات و نستفوه فوق تورتة
- نخلط المعجون مع ياغورت يولي شوية لكيد نزين خطوط فوق تورتة
و نعاود ندخلوه للفرن مرة ثالثة و نخليه يكمل طيابو 7 د
وهذا شكلها النهائي
ملاحظة
- كي نحضر الكريمة بمجرد تبدا تثقال نطفي عليها مانخليهاش تعقد بزاف لان هديك السخانة تكملها طياب نتاعها
- فاكهة المشماش اللي نستعملها للتزيين ماتكونش طايبة بزاف حتى تحافظ على ديكور ديالها
- تقدري تعوضي فاكهة المشماش باي نوع من الفواكه
- تورتة تقدم بارد مع اي نوع من المشروبات
تحية كبيرة للجميع واي استفسار انا في الخدمة hay:
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
