سلام عليكم
لبارح شفت فى فتافيت حورية مطبخ عملتهم وطبقتهم وطلعو رائعين وصفة ناجحة 100 ب100
مقادير عجينة الشو
140غ فرينة 100غ زبدة 250ملل ماء رشة ملح 3 بيضات
فى كسرونة نحط الماء وزبدة وملح ونخليه يدوب حتى الغليان
ونضيف فرينة دفعة واحدة ونخلط بملعقة خشب حتى تولى العجينة تتنحا وحدها من كسرونة
ونفرغ الخليط فى صحن ونظيف البيض بالواحدة ونخلط بنفس الملعقة حتى تتلم
ونفرغ الخليط فى كيس حلوانى
ونفرش فى سنوة ورق الزبدة ونشكل اكلير
وندخل سنوة للفرن على درجة 200 ومتفتحيش الفرن حتى يطيبو
ونحظر كيرم باتسير
مقاديرها
نصف لتر حليب 2 ملاعق نشاء 100غ سكر 2 حبات بيض وفانيلا
نحط الحليب على النار حتى الغليان
وفى صحن نحط لبيض وحدو وسكر تانى
ونخفق لبيض اول ثم ندخل سكر فيه ونظيف فانيلا ونخفق حتى يولى الخليط ابيض وطالع
ونظيف نشاء ونخفق غير شوية حتى مينزلش
ولما يكون حليب غلا نظيف غير بشوية على خليط البيض ونجيبوه لدرجة حرارة معتدلة باش ميعملش كتل
ونعاود نرد الخليط لكسرونة ونقعد نحرك حتى يتقل الخليط ويصبح كريمة
ونفرعو فى صحن ونحط عليه قطعة زبدة على وجه باش ميديرش قشرة
ونفرغ كريمة فى كيس حلوانى
ولما اكلير طابو نخرجهم ونخليهم يبردو
ونحضر شيكولا فى حمام مائ باش دوب
بعد نغطس اكلير فى شيكولا ونحطهم فى سنوة ونخليهم يبردو
ثم نحشيهم بكريم باتيسير ونحطهم فى لكيسات ونقدمهم
هاد شكلهم
وهنا عن قرب
انشاء الله تعجبكم الوصفة لانها رائعة وناجحة
وعندى نصيحة كريم باتيسير باش متلصقش فى كسرونة
خلي الكسرونة فى ماء فيه ثلح مدة وبعد طيبى فيها.
رد مع اقتباس
