عنوان الموضوع : قاطو النقــــاش من مطبخي وبالصور حصريا للاخوات طبخ جزائري
كاتب الموضوع : chichaki
مقدم من طرف منتديات ايمازيغن

السلام عليكم ورحمة الله وبركاته
امسيتكم وصباحكم طيب
ان شالله الاخوات كامل بخير
بمناسبة المولد النبوي الشريف عملت قاطو النقاش
نحب اولا نشكر الاخت ام اماني اللي مدتلي الوصفة جربتو وجاء هااايل ويستحق التجريب فعلا
من خفة وهشاشة وبنة ربي يبارك
حبيت نفيد الاخوات
المقادير :

3 كيلات فرينة
كيلة معمرة سمن تنقصي منها الربع وتعمريها بالويت
صفار بيضة
3 ملاعق كبار لحظة
نصف كيلة ماش معمرة سكر رطب
تعجن بماء الزهر

والغرس طبعا يكون مدوزن من قرفة وجنجلانية محمصة

طريقة التحضير :
تفركي الفرينة مع السمن يكون ذايب ودافئ مع صفار البيضة تضيفيلها السكر الرطب وقرصة صغيرة ملح وتلمديها بماء الزهر ما تعجنيهاش لمديها فقط وخليها ترتاح
ملاحظة صغيرة ماء الزهر دفيه شوي باه ما تكربعش الفرينة والسمن كي تحطيه بارد
وباقي الخطوات الصور توضح ذلك









وهنا صورته عن قرب


نتمنى انكم تستفادو منو
شكر مرة اخرى للاخت ام اماني
وموفقين حبيباتي



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©