عنوان الموضوع : كيكة ساهلة ماهلة من مطبخي
كاتب الموضوع : kouka
مقدم من طرف منتديات ايمازيغن

السلام على جميع اخوات اللمة heer:


اليكم كيكة عملتها و هي اقتصادية و ساهلة في تحضيرها و هي نفس المقادير اللي نستعملها في موسكوتشو بصح راني عملتها بشكل مغاير ان شاء الله تنال اعجابكم

المقادير
4 حبات بيض
كاس سكر عادي
½ كاس زيت
½ كاس حليب
2 خمارات كيميائية
ملعقة قهوة فاني
الفرينة كيلة تقريبا
للتزين
- شوكولا / لوز ايفيلي / مربى الفراولة

التحضير
-في روبو نخلط البيض مع السكر مليح

حتى يتغير لون البيض الى الاصفر الفاتح و يضاعف حجمو بلا مانحبس الخلط نضيف الزيت بالتدريج ثم الحليب بالتدريج و نواصل الخلط

-نطفي على الخلاط نفرغوه في ليان نضيف عليه الخميرة + الفرينة+ لفاني و نخلط حتى نتحصل على خليط كيما نتاع موسكوتشو
-نفرغوه في مول مدهون و مرشوش بالفرينة و ندخلوه للفرن ساخن من قبل و نخليها طيب
-نخرجها و نخليها تبرد من بعد نقسمها على نصفين


و نطليها بمربى الفراولة انا هنا درت سيرو من بعد طيبت فيه الفراولة

نطليها بالشوكولا و نزينها باللوز ايفيلي و هذا شكلها النهائي







ملاحظة


- لازم البيض و الحليب يكون بدرجة حرارة الغرفة


- لا نتقيد بفكرة التزيين هذا يعود للذوق الشخصي



بصحتكم كامل






©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©