عنوان الموضوع : حلوى البيستولي جديد من مطبخي بالخطوات المصورة شكل وذوق حلويات من المطبخ الجزائري
كاتب الموضوع : kouka
مقدم من طرف منتديات ايمازيغن
السلام عليكم
حلــــــــــــــــــــــــــــ ــوى البــــــــــيستـــــــــــــو لي شكل وذوق ولا أروع
وش راكم بنات اللمة؟
إن شاء الله تكونوا بخير
اليوما جبتلكم وصفة هايلة كانو يديروها بكري وماما حكاتلي عليها بزاف مي ماكانتش الآلة ديالهااا متوفرة عندي بصااح خالتوو حبيبتو المقيمة بفرنسا ربي يخليهالي بعتتلي وحدة وخعتني بيييييييييها جربتهاا وقلت لازم نحطهاا للبنات يستفادو منهاااااا
وهادي هي آلة البيستولي
يجووو فيها اشكال اكتر من هاكداااااااااااا
ايمالااااا تفضلوووووووا معايا تشوفوا حلوى البيستولي من مطبخي
شكل وذوووق يذوب فالفم
ورح تقولولي رايكم اه
نبداو
بسم الله
نحطو الزبدة أنا إستعملت 250 غ زبدة ممكن تزيدي العبر تكون طرية مليييييح
نحطلها كاس سكر قلاصي
وندربهم مليح مع بعضاااهكم ممكن بالخلاط الكهربائي ولا باليد عاااااااادي
حتى تولي كيما الكريماااااا
ممبعد نضيف حبة بيض كاملة وصفار بيضة
ونخلطهم مليييييييييح
حتى تولي ناااااااااعمة
وممبعد نضيف كاس مايزينة
وقبل ما نضيف الفارينة ديالي لازم ننخلها مع مغرف ونص صغيرة خمارة
نضيفهم بالتدريج وانا نخلط
حتى تتلم لعجينة وتكون طرية بزاااااااف اكتر من ديال ليصابلي
لازم لعجينة تكون طرية باش تتشكل على حساب ليمول الي تحطيهم ما تبقاش متماسكة رح تعدبك بزااف وتلقق ما تجيش مليحة
وهدا هو البيستوووووووووولي ديالي
ولهنــــــــــا
نشكل لعجينة حربوش وندخلها فيه
ممبعد نختار الشكل الي نحبو
أنا جربتهم كامل تقريبا ممبعد نزيد...أشكالهم روووووووووعة
هادي ديال الشجرة راني وريتلكم كيفاش تخرج
وهادو كاامل أشكال روعة
شوفوا معااااايااااااااا
وندخلها للفرن يكون متوسط الحرارة لانو ما يتحملش حرارة عاااااالية
غير نشوفوه نشف نخرجوووووووه
ويخرجلكم هاااااااااكداااااا يذوب في الفم
كانت الفكرة ديال اختي انو نلاصقوهم وجاو تاني شااااااابين
وش رايكم في حلوى البيستولي ديالي؟؟؟؟؟؟
عجبتكم كيما عجبت عايلتي؟
بالمناسبة
نشكر ma TàànTe & mon Fréére بزاااااااااف
حوايج المطبخ كامــــل عليهم هههههههه
ترقبوا الجديد دايما مع
zehor mizoùùùùù
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
