عنوان الموضوع : من مطبخي بسبوسة بالشوكولا والقهوة رووووعة وصفة جزائرية
كاتب الموضوع : admin
مقدم من طرف منتديات ايمازيغن

بسم الله الرحمن الرحيم
السلام عليكم ورحمة الله وبركاته

جبتلكم وصفة جديدة للبسبوسة صراحة رووووعة انشاءالله غي تعجبكم
يلا وجدو الطابليات وشمرو على دراعيكم باه نبداو
الوصفة ساهلة بزاف
علابالي هدرت بزاف هههه سي بون غادي نبدى

المقادير

200 غ دقيق رقيق
60 غ جوز هند محمص
3 بيضات
4 م ك سكر عادي
2 م ك كاكاو مر
1 م ك قهوة مذابة في قليل من الحليب (حوالي نصف كاس كبير )
2 خميرة الحلوى
قرصة ملح
100 غ زبدة مدابة
200 مل قشدة طرية

للسقي

نصف علبة حليب مركز محلى
نصف ملعقة صغيرة سكر فانيليا
كاس ماء صغير

للتزيين

شكلاطة مبشورة
واي اضافات ادا تحبي



طريقة التحضير

في اناء نخفق البيض مع السكر



نضيف القشدة الطرية ونستمر في الخلط



نضيف الزبدة ونخلط



ثم القهوة والكاكاو المر ونتابع الخفق



اخيرا نضيف الملح الخميرة السميد وجوز الهند ونتوقفو هنا عن الخفق نخلطو المكونات بملعقة خشبية



فرغو الخليط في قالب مدهون بالزبدة من الافضل يكون مربع او مستطيل انا ماعنديش استعملت دائري هههه وندخلوه فرن ساخن من 25 الى 30 دقيقة



كي تقرب البسبوسة تطيب نوجدو خليط السقي
في كسرول نعملو الحليب المركز مع الماء مع الفانيليا ونحطوهم على النار مع التحريك مدة 2 الى 3 دقائق



هاهي دي البسبوسة طابت وخرجتها



نسقيها بالخليط مادامها سخونة



نخلوها تشرب شوية




كي تبرد نرشو عليها الشكولا المبشورة ويلا حبيتو رشو نواد كوكو ومن بعد عاد قطعوها





هنا ضفتلها شوكولا مبشوة برسكو اللولة دابت !



ملاحضة : هاد االبسبوسة نسبة الحلاوة تاعها تعتمد على خليط السقي برسكو هي ماتجيش حلوة بزاف فيها الكاكاو والقهوة نتي يلا تحبي تحليها بزاف كثري الحليب المركز المحلى في خليط السقي انا عكست كثرت الماء ونقصت الحليب المركز لاني مانكلش السكر هاك باه ماتجينيش حلوة بزاف

نتمنى تعجبكم حتى ولو ماعجبتكمش هههه ماتحرمونيش دعواتكم بظهر الغيب
ادعولي
اي استفسار انا هنا



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©