سلام عليكم
حبيت نحطلكم موضوع على الغريبية للاستفادة
وتاني تلبية لطلب من حبيباتي واخواتي نقولكم طلبكم على العين والراس
المقادير
كاس سمن ذايب وبايت فالثلاجة ليلة كاملة وخرجيه قبل الاستعمال بفترة
كاس ماشي معمر مليح سكر قلاصي
مغرفة كبيرة فاني
3 كيسان فرينة وتكون الزيادة حسب نوع الفرينة انا الفرينة حمصتها شوية فالمقلة ولكي الاختيار في ذلك حتى بلا ماتحمصيها جي بنينة
رشة ملح
الطريقة
بالباتور نخفق السمن +سكر قلاصي مليح مليح حتى يبياض الخليط+الفاني
ثم نضيف الفرينة بشوية ونخلط باليد حتى نتحصل على عجينة طرية
طيبيها على فرن مسخن مسبقا 200د ثم كي دخليها نقصي الى 160 وتاخد 20د هكداك كي تخرجيها ماتمسيهاش كامل ومتخلعيش كي تشوفيها طرية بزاف من الفوق تبانلك مش طايبة لكن ممبعد تحكم روحها .
حطيها فبواطا مغلوقة راهي كل ماتقدام تزيد بنتها
التشكيل لكم الاختيار ديريها فاللمبوط والا طابع
سييت بلابوش جاتني صعيبة بزاف ماتخرجش
انا استعملت هاد الطابع تقسمي العجينة الى كرات وتحطيها فالطابع انا نحيت شوية من العجينة خلطتلها الكاكاو وعملت داخل كل كرة شوية عجينة من الكاكاو
رد مع اقتباس
