عنوان الموضوع : وصفـــــة الكعـــــــك تقليــــــدي الحــــــر طريقة جزائرية
كاتب الموضوع : mira
مقدم من طرف منتديات ايمازيغن

السلام عليكم
مقادير الكعك التقليدي الحــــر
مالقيتها لا في كتاب ولا جازت في TV
هدا الكعك ديتو من عند عجوزة كبيرة تخدمو روعة
والله فن وذوق ماشاء الله



المقادير
12 حبة بيض نحي 3صفار
2كيسان زيت
2كيسان سكر مسحوق
4 خمارة
فاني
رشة ملح
بعد ماتخلطي الكل مليح لمي بالفرينة واستخدمي يدك في الجمع
ماتيبسيش العجينة يليق تكون تتلاصق في يدك هداك هو العبر
ماتخليهاش كيما القاطو حتى تتلم كامل ماراحش تنجح ابداااا
العجينة تكون تتلاصق في يدك راح تقلقك شوي بصح نتيجة روعة
ديري يديك في زيت وشكلي حلقات صغيرة باسكو راح يضاعف حجمها من الخمارة
الصفار لي نحيتيه ضربيه ضيفيلي قهوة كحلة ومن بعد دهني الحبات

ملاحظة قربي الحبات من بعضاهم وكي يطيبوا تلقايهم متلاسقين
وهدا سر الكعك فصليهم بسكين تلقايهم كيما المسكوتشو طري بزاف
علابالي طولت مي الخطوات مهمة والا ماراحش تنجح الكيفية
في امان الله










©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©