عنوان الموضوع : كرانطيطا من مطبخي .... اممممم وصفة جزائرية
كاتب الموضوع : mira
مقدم من طرف منتديات ايمازيغن

السلام عليكم و رحمة الله و بركاته

ليوم درت كارانطيطا و حبيت نحطلكم طريقتي في تحضيرها
بسم الله المقادير

200غ حميصة مرحية انا استعملت كمية صغيرة انتوما تقدرو اضاعفو لمقادير
حبة بيض
فنجال تاع لاتاي زيت
جبن مثلثات
لتر ماء انقصو منو قيس فنجال
ملعقة صغيرة ملح
شوية فلفل اسود
ربع ملعقة صغيرة كمون

طريقة التحضير

نحط لمقادير كامل في ليانة ما عدا لماء و نضربهم شوية بالباتوغ





منبعد نزيد الماء و نضرب بالباتوغ مليح حتى تدوب لكارانطيطا يعني ما تبقاش مكعبرة فالقاع



نتحصلو على هاد الخليط نغطوها و نخلوها تريح على الاقل نصف ساعة




هنا بعد ما ريحت نخلطوها شوية بالفوي قبل ما نحطوها فالسنيوة




هنا فرغتها فالسنيوة و رشيتلها الكمون ملفوق و ندخلوها تطيب حتى نشوفوها حمارت ملفوق نجبدوها



و هنا كي طابت



نتمنى ان شاء الله تعجبكم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©