عنوان الموضوع : كرواسون بالشوكولا بدون عجينة مورقة من مطبخي اكلة مجربة
كاتب الموضوع : imilla
مقدم من طرف منتديات ايمازيغن



السلام عليكم
درت اليوم كرواسون ساهل والنتيجة شابة
الوصفة من عضوة هنا في المنتدى نسيت اسمها المهمة النتيجة مليحة



المكونات :
2 كيسان ونص فرينة
-علبة ياوورت طبيعي { زبادي}
- ملعقة وشوية خميرة فورية { تاع الخبز }
-3 معالق كبيرة سكر
-نص كاس حليب
-ربع كاس زيت
-قرصة ملح
شوية زيت لتدهن في الاخير

للدهن :

بيضة وحليب
الطريقة :
نخلط جميع المكونآت



ونعجنوهم مليح



بعدها ديري بيدك شوية زيت ودهني بيها العجينة وزيدي عجنيها شوية باش تدخل الزيت في العجينة
وزيدي دهنيها مرة ثانية بدون عجن
في الاول يكون شوية صعب التحكم في العجين ولكن بعد الدهن تصير احسن



غطيها واتركيها ترتاح لمدة ربع ساعة
ثم تقسم لقطعتين او ثلاثة
تورق كل قطعة وتشكل بالطريقة لي حبيناها

انا شكلتها على شكل مستطيلات
وضعت فيها قطع شوكولاطة صغيرة ولفيتها



الطريقة الثانية : نورقوا العجينة بشكل دائري وتقطع متلثات مثل البيتزا

نأخد مثلث نورقه مرة ثانية شوية ويلف



توضع في صينية مدهونة أنا درت فيها ورق الزبدة



تدهن بـــبيضة مخفوقة مليح مع شوية الحليب



تترك لتخمر من 20 الى 30 دقيقة في مكان دافئ وتدخل فرن مسخن على درجة حرارة 200

انا في 20 دقيقة طابت وممكن نقعد اكثر او اقل على حسب حجم الحبات

وأخيــــــــــــرآ النتيجة :





وأي إستفسار أنا هنــــــا
تحياتي للجميع





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©