عنوان الموضوع : بيتزا بحشوة اللحم المفروم ** جديد ** بالطريقة الجزائرية
كاتب الموضوع : chahinez
مقدم من طرف منتديات ايمازيغن


المكونات
العجينة هي عجينة ال 10 دقائق
والحشو
لحم مرحي نقليه في شوية زيت مع رشة ملح وفلفل اكحل ونطيبو نص طياب فقط
الصلصة هي صلصة الطماطم العادية
والتزيين زيتون ومعدنوس وفرماج مبشور

الطريقة


بعدما تختمر العجينة
نحلها ونقطعها على شكل دائرتين متساويتين

نحط الدائرة الاولى فوق البلاطو


ونحط فوقها صلصة الطماطم ثم طبقة من اللحم المرحي


ونغطي بالدائرة الثانية

ومن بعد نحضر الاطراف
نحل العجينة من جديد ونقسمها بالطول على شكل شرائط
ونحط على طول الشريط فرماج الميزان مقطع على شكل اعواد
ونغطي بشريط ثاني ونلف والصورة توضح ذلك



ومن بعد نحط الشريط الملفوف حول دائرة البيتزا

ومن فوق نحط صلصة الطماطم مع زيتون وفرماج لحم مرحي حسب الرغبة



نخليها تختمر لمدة 5 دقائق وندخلها لفرن مسخن مسبقا

وهذا شكلها النهائي

ملاحظة فقط العجينة نحلها رقيقة جدا لانو رايحة تختمر وهي اصلا طبقتين فوق بعض



--






©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©