عنوان الموضوع : البغرير من تحضيـــري حصريآآ من مطبخي ~ مرحبآ بكم
كاتب الموضوع : mira
مقدم من طرف منتديات ايمازيغن



سلآم عليكم يآ فحلآت اللمة

ان شآء الله تكونوآ بيآآآن

~~~

اليوم عملت البغرير مي درته بيديآ مآمآ قآتلي وآلو غير الروبو اللي مآ تعمليش بيه

المهم نبدآآو بالمقآدير::

في عبر فرينة نديروا 2 عبآر سميد متوسط

3 ملآعق متوسطين خميرة خبز ، على حسآب الجو اليوم كآن البرد انا درت 4

شوية ملح

مآء دآفي او فآآتر

طريقة التحضـــير::

نعملوا الخميرة تطلع في شوية مآء فآتر، وفي قصعة نخلطوآ الفرينة والسميد والملح،



بعدهآ نضيفوا الخميرة اللي تكون طلعت والمآء غير بالشوية ثم دلكتهآ مليح بكف اليد وكل مرة نزيدهآ المآء حتى تولي سآئلة



سددتهآ في الكسكآس وضفتلهآ حبة بيض كآملة و خلطت مليح مليح






ونخلوآ البغرير نتآعنآ يخمر حتى يولي هآك



على نآر هآدئة، ندهنوا المقلة بشوية دهآن وبلآلوش نفرغوآ الخليط، زدتهآ شوية زبيب بآه يطبعه



هنآ بعد مآ طآبت



وهآدي الكمية كآمل اللي خدمتهآ بآه تآكلوا قآع مآ كآنش اللي يقعد



وعند التقديم يتعسل طبعآآ





وبالصحة والهنــــــــــآآ





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©