عنوان الموضوع : كيش بالفطر بالطريقة الجزائرية
كاتب الموضوع : kouka
مقدم من طرف منتديات ايمازيغن

بسم الله الرحمان الرحيم

للامانة الوصفة شفتها في احد المواقع
ووصفة الكيش معروفة لكن لي عجبني فيها
العجينة تجي خفيفة وتذوب في الفم اممممممممم كالقاطو
تستاهل تجربوها

المكونات
العجينة
كاس وربع فرينة
9 مغارف كبار زبدة باردة مقطعة مكعبات
نص ملعقة صغيرة ملح
3 الى 4 مغارف كبار ما بارد حسب الحاجة

الحشو
علبة فطر مقطعة شرائح او كاملة حسب الذوق
معدنوس مفرومة
3 فصوص ثوم
م كبيرة عصير ليمون
ملح وفلفل اكحل
مغرف زيت ومغرف زبدة
فرماج مبشور

20 سل كرام فراش
3 بيضات

الطريقة
اولا نحضر العجينة
نخلط الفرينة والزبدة ونضيف شوية ما حتى تتماسك
نغلفها ببلاستيك ونحطها تبرد في الثلاجة لمدة نصف ساعة

نحضر الحشو
في مقلاة نحط الزيت والزبدة والشومبينيون وعلى نار قاوية
نقلبو شوي ثم نضيف الثوم المفروم وعصير الليمون
ونطفي عليه قبل ما يحترق الثوم


نتبلو بملح وفلفلر اكحل ومعدنوس ونخليه يبرد


نفرد العجينة على المول ونثقبها




ونغطيها برق الزبدة ونحط فوقها بقوليات جافة فول ولا حمص
ونحطها تطيبفي فرن مسخن مسبقا
بعد 20 دقيقة نرفع ورق الزبدة ونخليها 5 دقائق في الفور

ومن بعد نخرجها يكون لونها اشقر

نحط فوقها جبن مبشور


نخبط 3 حبات بيض مع الكريمة ونتبلهم بملح وفلفل اكحل رشة صغيرة فقط


نخلطها مع الفطر ونصبها فوق التارت

ونعاود نرجعها للفور حتان تتماسك وتعطينا لون ذهبي

وهذا شكلها




ان شاء الله تجربوها وتعجبكم
طبعا والشكر موصول لصاحبة الوصفة الاصلية






©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©