سلام عليكم
هاد الوصفة بنييينة وهايلة وخفيفة ننصحكم بيها
خديتها من عند اخت من منتدى اخر ربي يجازيها كل خير
وحبيت نفيد بيها للي ماتعرفهاش كيما استفدت انا
المقادير العجينة
250 غ فرينة
50غ زبدة ذايبة يعني مغرفة كبيرة زبدة ذوبيها
حبة بيض
رشة فلفل اكحل
ملح
شوية ماء
نحطو الفرينة مع رشة فلفل والملح والزبدة ونبسسوها بيدينا مليح ممبعد نضيفو حبة تع البيض ونحاولو نلمو العجينة بشوية فقط تع الماء غير تتلم برك
نعجنوها لدقائق ونحطوها فالثلاجة ترتاح مدة 30د
بعد مانخرجولها نقسموها على 2 كويرات ونحلوها شوية بالحلال بالمايزينة
ممبعد نفوتوها فالماشينة كل وحدة والماشينة تعها كيفاه الارقام تتختلف كيما هيا قالت 5ممبعد 6 انا جاتني رقيقة بلبزاف فال5 دونك فوتها فال3 ممبعد فال4
نسقمها على شكل مستطيل
ممبعد نلفها كيما فالصورة باش نتحصلو على مثلث ونقطع
تعملي الحشو الي حبتيه انا درت لحم مرحي طايب مع معدنوس وفلفل وبصل وفروماج
وتدهني البيض الزاوية الي موضحة فالصورة وتغلقي
انا فوتها فبياض البيض احسن من البيضة كاملة لانو منحبش ريحة الصفار ثم لاشابلير او الخبز اليابس المرحي وقليها فالزيت مع رمي الزيت عليها بالمغرفة باه تتنفخ
وهاذي هي النتيجة
رد مع اقتباس
