عنوان الموضوع : بوراك بالدجاج والجزر- طريقة جزائرية
كاتب الموضوع : chichaki
مقدم من طرف منتديات ايمازيغن

السلام عليكم و صحا فطوركم

جبت ليكم بوراك بطريقة جديدة شوية تغيير على لبوراك لعادي بالكفتة
نحتاجو للمقادير
صدر دجاج مطبوخ في ماء و ملح و فلفل اسود و مفتت
حبة بصل كبيرة مقطعة
جزر مبشور
اربع حبات بيض مغليين
كرام فراش و جبن
معدنوس و ملح و فلفل اسود
نبداو و نقلوا لبصل في شوية زبدة او زيت حتى يدبال مليح

بعدها نزيدوا عليه الجزر و الدجاج و ملح و فلفل اسود و نقليوهم غااااااية حتى يدبالو


هاهي كامل مقادير الحشوة بعدما وجدنا الدجاج و برشنا البيض المغلي و قطعنا المعدنوس

نخلطوا كلشي مع بعض و نضيفوا لكريمة الطازجة و الجبن





و نوجدوا البوراك كيما متعودين اما في الفون او نقلوه في الزيت
ان شاء الله تجربوه لانو طعمو روعة



و بالصحة و الهنا عليكم




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©