عنوان الموضوع : الشــربـــــة بطــــريقتـــــي وبالصور خطوة خطوة طبق جزائري
كاتب الموضوع : amira
مقدم من طرف منتديات ايمازيغن



المقادير:

2 حبات زرودية
2 حبات قليلشة
حبة بطاطا

4 حبات طماطم
حبة بصل
لحم مرحي
قصبر
التوابل: ملح/فلفل اكحل/فلفل احمر/قرفة
فريك
حمص

طريقة التحضير:


نغسل الخضر ونقشرها ونقسمها على ربعة ونحطها تتغلى في كسرونة



في كسرونة أخرى نغلي الماء




وكي يتغلى الماء نحط فيها حبات الطماطم مدة 10 دقائق


في هذه الأثناء نحط في قدرة بصلة مفرومة اللحم والقصبر والتوابل ونخلوهم فوق نار هادئة يتقلاو



نقشر الطماطم لي كنا خليناها تتغلى فالماء وتكون سهلة لأن القشرة نتاعها تتنحى وحدها من الغليان



نرحيها (هذه أفضل وأسرع طريقة للحصول على صلصة طماطمheer


بعدما يتقلى اللحم


نضيف له الطماطم المرحية ونضيف له الماء الي تغلات فيه الطماطم


نحط الحمص يطيب مع المرقة


الخضر لي كنا قد تركناها راهي جاهزة نرحيوها كذلك




ونضيف الخضر المرحية للقدر


هنا تلاحظي إذا كانت الشربة خاثرة بزاف يعني خاصك تزيديلها شوية ماء لخاطرش رايحين نزيدولها الفريك يزيد يعقدها أكثر (غلي الماء قبل ما تزيديه للقدر) وإذا كانت عاقدة مليحة يعني عينك ميزانك


الخطوة الأخيرة إضافة الفريك للشربة ونخليها تغلي مرة واحدة ونطفي عليها الفرن

الشربة ديالي جاهزة وتنتظر من يأكلها يمي يمي




heer:howoff:بالصحة والعافية howoff:heer:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©