عنوان الموضوع : رولي بالتونة الأطباق الجانبية والسلطات
كاتب الموضوع : chichaki
مقدم من طرف منتديات ايمازيغن

بسم الله الرحمان الرحيم
السلام عليكم ياحلوين
عندي مدة معملتش مواضيع ههه راح نقتلكم بمواضيع هدو الايام
شوفت وصفة في النات جربتها وعاودتها عجبتني كثير قلت ننقلها الى خواتاتي يستفادو منها مليحة للعرضات او في الصيف
المهم ندخلو الى الموضوع


المقادير

صلصة البيشاميل هي كيما معروفة
فرينة
زبدة
حليب
والعمل هنا اننا نعملها عاقدة شوية البيشاميل
ايضا عدنا
4 حبات بيض
سنة ثوم
نفضل البياض على الصفار
مقادير الحشوة
علبة تونة
ملعقة تاع كريم فراش
بصل ومعدنوس
ملعقة تاع مايوناز
3حبات فرماج
ملح فلفل اسود عصير ليمون
تحضير
عندما تبرد البيشامال نضيف لها الصفار البيض وقليل من الملح والفلفل اسود وسنة ثوم مرابيا
ونخلط الكل
من جهة اخرى نضرب البياض الى ان يصبح مثل الثلج
ونضيفه الى الخليط ونسكب بشوية لكي لا يتكسر البياض ههه
ونضعها في بلاطو مستطيل ونضع عليه ورق الزبدة انا هنا خلاصلي عملت الالمنيوم بصح ادهنوه باش مايتلصقش
اما الحشوة في صحن نضع التونة والمايوناز والكريم فراش مع الملح وفلفل الاسود
البصل والمعدنوس نقطعوهم نضعهم في كسرونة في الماء وندبلوهم على النار كي يتغلى الماء نطفي ونبردوها مليح
ونضيفها الى الخليط
اليكم الصور توضح اكثر

















يارب اكون وفقت تحياتي للجميع لي عودة ان شاء الله
اي سؤال راني هنا



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©