عنوان الموضوع : عندك الفريز ? اتفضلي من المطبخ الجزائري
كاتب الموضوع : inzou07
مقدم من طرف منتديات ايمازيغن

ليوم جبتلكم وصفة لقيتها في كراس أمي قدييييييييييييييييم ، قريتها و عجبتني قلت خلي نجربها . راني بدلت في طريقة التقديم . في الوصفة الاصلية قالو ديريها في الكونجلاتور بصح انا كي جربتها كان شوي الحال بارد درتها تبرد غير من تحت باه مايمرضو ما يحصلو في جرتي .
المقادير :
450 سل قشدة طرية
1 م. ك سكر رطب
750 غ فريز
3 بيضات مفصولين
6 م ك سكر عادي
ماء
( م ك اختصار لكلمة ملعقة كبيرة )
كيفية التحضير :
١- ارحي الفريز مع ملعقة سكر رطب
٢- في جاوة ضعي 3 م ك ماء + 100 غ سكر أحرش و نغليهم
٣- في طاوة اخرى ضعي 3 م ك ماء + 100 غ سكر أحرش و غليهم
٤- نضرب بياض البيض كي الثلج وضفيلهم العسل الاول
٥- نضرب صفار البيض و ضفيلهم العسل الثاني
نضيف عصير الفريز الى الصفار بالشوي ثم نضيف له خليط البياض و نخلط من فوق لتحت
نضرب الكريمة الطرية لمدة تطلع 4 دقائق
نضيف الكريمة الى الخليط
ناخذ بول نتاع الفلان و نغلفو بالالمنيوم ولازم يتعدى الحاشية و نسكب الخليط بداخله
ندخله الثلاجة لمدة 4 او. 5 ساعات
ملاحظة : انا مادرتوش في غرفية الفلان درتو مباشرة في كؤوس التقديم و هذه هي النتيجة ( ارجو التقييم )








©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©