عنوان الموضوع : تحلية بذوق الكاراميل من مطبخي
كاتب الموضوع : salima
مقدم من طرف منتديات ايمازيغن

السلام علكم احبتي
كنت وعدت الاخوات تاع ركن ماذا ستطبخين نحطلهم وصفة التحلية هاداوين كتب ربي
اتفضلو وصفة سهلة وبسيطة و بنيييييينة للاسف ماصورتش الخطوات مي راهي اسهل منها ماكاش
المقادير
150غ شانتيي غبرة
2 علب ياوورت كيما اللي فالصورة نزيدلها شوييية حليب

علبة بتي بور

2ملاعق كبار ديكوجال كاراميل- يمكن الاستغناء عنها لكنها تمد ذوق رهيييييب -

قهوة -براس او نيسكافي نزيدلها شويييةسكر - باش نغطس فيها القاطو
مولنغلفو ببلاستيك غدائي



[COLOR=-rgb(255, 0, 255)-]التحضير:[/COLOR]

نبدا بلاشانتيي نطلعها مع الياوورت البارد والديكوجال ملليييح
نفرش المول بالبلاستيك ونفرش طبقة من لاكرام و ندير فالجوانب تاع المول تاني
نبلل القاطو فالقهوة و نستفو فالمول ونزيد طبقة ثانية من لاكرام و هاكدا حتي نكملو انا المول تاعي كبير شوية درت 5 طبقات يعني الباكي تاع القاطو هادا كفاني وبقاولي حبات
و نغطيها بالبلاستيك نحطها فالثلاجة ليلة كااملة و نحي البلاستيك و نقلبها نديكوريها كل واحدة و ذوقها انا دهنتها بالديكوجال و زدت طلعت ملعقة كبيرة شانتي و4 ملاعق حليب و زينت بيها
نتمنى تجربوها لانها فعععلا بنيييينة
و شهية طيبة









©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©