إزيكم ياثيمازيغين ياقمرات .... يارب بكل الخير
النهاردة عايزين نتعلم نعمل بنطلون حمل بمنتهى السهولة
مش هنتعب كتير ولا هنغلب لأن البنطلون عندك من الاساس
تعالي نشوف مع بعض بالصور وخطوة خطوة
أكيد كل الأمازيغية عندها بنطلون قبل الحمل تكون بتحبه او مقاسها
كان مريح عليها .. عادي هتجيبيه .. + تي شيرت بلون مناسب
للبنطلون ... ويكون من النوع المرن زي ماكلنا عارفين
بس خلي بالك اننا هنستخدمه مع البنطلون يعني تكوني مستعدة
تستغني عنه ...
اول خطوة .. هنقص الجزء العلوى من التي شيرت بالشكل ده
والبنطلون هنا هنلغي الكمر نهائي ونقصه برضو بالشكل ده
وركزي ان الضهر دايما أعلى من الأمام
هنا الأمام
وده الضهر
بعد كده هتحاولي تنضفي مطرح ما قصينا بالماكينة
يا إما تتنيه أو تسرفليه بأي طريقة تفضليها
عن نفسي افضل السرفلة او التنضيف أكتر من التني
عشان ميبقاش صعب فى الخياطة التانية
هنا هننضف زي ما أتفقنا بقااا
لاحظي عشان السوستة كمان متفتحش منك هتقفلي عليها لأن
مش هتحتاجيها ...
الخطو الجاية مهمة وأساسية لنجاح البنطلون
هتجيبي التي شيرت ومن الجزء العلوي اللي قصتيه ده
هيكون طبعا بالنظر كده أضيق من نهاية التي شيرت
هناخد الحرف ده مع حرف البنطلون اللي عملناه
ونشبكهم ببعض على الماكينة بالشكل ده
ونقلب بعد ما شبكناهم وهيكون بالشكل ده
وده الشكل النهائي ع الطبيعة
شكرا للنتابعة ياحلوين
رد مع اقتباس
