عنوان الموضوع : استفسار بسيط استشارة طبية
كاتب الموضوع : salima
مقدم من طرف منتديات ايمازيغن
السلام عليكم
ان شاء الله بخير ؟؟
المهم ، هادي اول مرة ندير موضووع هنا
الوووغ ، نهار الثلاثاء جاني وحد الوجع في كرشي بزااااااااااف
كنت نقرا انجليزية من 11.00 لـــ : 12.00 و هو غير يقطع فيا و انا صابرا
صونات على 12.00 باش نروحوا لديارنا ، انا وصلت للدار و الوجع قعدت غير يزيدلي
بزااف ماقديتش وليت نبكي من شدة الوجع ، ماما عطاتلي وحد الكاشي مانيش عاقلا اسمو
دك نسقسيها و نجيبلكم لاماغك ، والو مام هاداك الكاشي ماريحنيش الوجع قعد توجور فيا
رحت لبيتي تكسلت شويا قلت بالاك يروح مي ماراحش
ايا ماما تقلقت عليا ، داوني للطبيب هي و ابي ربي يحفظهم
و الكارثة مالقيناش طبة باسكو وقت تاع فطور ، كامل راحوا يفطروا
ايا و حنا راكبين فالسيارة راحلي وحده سبحان الله
عيطنا لـ زوجة عمي طبيبة باش نقلعوا الشك اكثر سقسيناها على la penedicite
وينها جيها لي تجي فيها كنا عارفين بلي على اليمنى مي شكينا علابيها سقسينا
و انا الوجع سيغتو على اليسرى قتلني المهم ، مين سقسينا مراة عمي قالتلنا بلي تجي على اليمنى تما ارتحنا اكثر
و بالنسبة للوجع لي جاني في الجهة اليسرى راجع للـ : colon
و قالتلي هادا راجع للنرفزة اي تنارفيت سي بوغ سا جاني لوجع في كرشي
و انا حبيت نسقسي اسكو مين نتنارفا يجيني لوجع ؟؟؟
و اسكو نولي دائما مين نتنارفا يجيني ؟؟؟
ملاحظة : انا نتنارفا بزاف كل حاجا تنارفيني
سمحولي طولت عليكم و نتمنى تجاوبوني
سلامي’
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©