عنوان الموضوع : اعصي زي ما انتي عايزة.......- اسلاميات
كاتب الموضوع : imilla
مقدم من طرف منتديات ايمازيغن

عايزة تخلعي الحجاب أو تلبسي على الموضه بره بيتك زي البنات؟
عايزة تسمعي أغاني؟
عايزة تخرجي في اي مكان مع الشلة من غير ماحد يقولك حرام وحلال؟!

عايزة أي معصية؟


طيب أعصي زي ما أنتي عايزة


بس عشان أبقى صادقة معاكي


خدي الأعراض الجانبية

*تهوني على الله عز وجل


متقوليش ليه الدنيا مقفله في وشي حاسه بعدم توفيق من ساعة ما رجعت للأغاني وبقيت بتكلم مع ده وده وبخرج مع دول

{ وَمَن يُهِنِ اللَّهُ فَمَا لَهُ مِن مُّكْرِمٍ إِنَّ اللَّهَ يَفْعَلُ مَا يَشَاء }
{ وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى }



*تزيل النعم وتحل النقم

متقوليش ليه من ساعة ما غيرت في أستايلي ولبست الضيق وعملت الميك آب عشان أتزوج مجاليش ولا عريس
مش إنتي طلبتي اللذة العاجلة وضيعتي الرزق بالمعصية؟!

قال تعالى : {وَمَا أَصَابَكُم مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُو عَن كَثِيرٍ}



تحرمي لذة الطاعة

متقوليش أنا كنت بواظب على ركعتين بالليل وبحس إني طايره في السما
ولا تقولي انا كنت واقفه في الصلاة الناس كلها بتبكي وأنا قلبي قاسي
قيل لابن مسعود : لا نستطيع قيام الليل ؟ فقال : أبعدتكم الذنوب .



زوال الأمن والاطمئنان

متقوليش حاسه إني مخنوقه دايما لما ببقى بسمع أغنية ولا مع الشلة بنتريق ونغتاب ببقى كويسه مجرد مع أقعد مع نفسي أو أجي أنام ببقى مش طايقة نفسي
على طول قلقانه على طول حاسه بخوف

قال تعالى : {الَّذِينَ آمَنُواْ وَلَمْ يَلْبِسُواْ إِيمَانَهُم أُوْلَئِكَ لَهُمُ الأَمْنُ وَهُم مُّهْتَدُونَ}




تُفتح عليكِ أبواب المعاصي
متقوليش ياااااااااااااه معقول أنا عمري ما تخيلت إني أقع في الذنب ده معقول أنا اعمل كده !!

قال تعالى : " بَلَى مَنْ كَسَبَ سَيِّئَةً وَأَحَاطَتْ بِهِ خَطِيئَتُهُ فَأُولَئِكَ أَصْحَابُ النَّارِ هُمْ فِيهَا خَالِدُونَ "

قال بعض السلف : " إن من ثواب الحسنة الحسنة بعدها ، ومن عقوبة السيئة سيئة بعدها "


دي بس كان جزء يسير جدا من الأثار الجانبيه في الدنيا فما بالك الآخره؟!
حد يقدر يستحمل يمسك طبق سخن جدا! فما بالك بنار الآخره؟!

وأكيد دي مش كل الأثار الجانبية لو عندكم أثار جانبية تاني شاركونا بيها


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©